今日去參觀大象孤兒院、寶石博物館、鍚蘭紅茶園、可倫坡市內觀光。
18-12-2016 (第七日)
七點起床梳洗好落餐廳食早餐。
食咗早餐見仲有Ｄ時間就四圍逛吓。
臨近聖誕節，酒店都有聖誕嘅裝飾。
夠鐘上車出發。
斯里蘭卡主要嘅的士（三脚雞）。
康緹市嘅街景。
導遊話噚晚夜嘛嘛，佛牙寺睇得唔清楚，今朝再送我地黎睇清楚Ｄ。
幣加伙，今日冇諗住入廟，所以著咗條短褲，好彩大人有條頸巾，比我當莎朗著，咁門口個警衛先至就比我入去，真係笑屎街坊。
影咗幾幅相就行番出黎，外面原來有即好多攤檔售賣供奉佛祖嘅鮮花。
晏少少都唔掂，依家入場嘅人幾多！
喺度等上車。
上咗車就出發去參「寶石博物館」。
好快就到咗「寶石博物館」。
入去睇吓先。
展品唔多，賣寶石嘅柜位就唔少。
代表十二星座嘅寳石。
大人話呢粒啱佢。
呢粒啱哂我添喎～
參觀完寶石博物館，跟住去參觀錫蘭紅茶園。
車停下面馬路，我地就慢慢行上去果個錫蘭紅茶園。
仲可以入內參觀紅茶嘅制作過程。
最後梗係有各式各樣嘅紅茶葉售賣喇。
工作人員招呼我地坐低，慢慢嘆吓各式靚茶。
搞搞震冇幫襯，行番出去上車去參觀「大象孤兒院」。
行車途中見到有水果攤檔，售賣導遊之前有提及過嘅（巨形香蕉），咁就停車比我地落去見識吓；又真係幾巨形喎！
紅色嘅都有。
呢Ｄ蕉都未熟嘅！
買完蕉上車去大象孤兒院附近食中午餐。
嘩！呢餐唔掂，厨餘咁，點食呀～
飲枝可樂當食飽，行岀去睇Ｄ大象喺河中洗身好過。
特然街上傳來隆隆聲，原來有隊大象行緊過黎，所有人都要走番入附近Ｄ店鋪暫避，有咁多龎然大物喺身邊行過，真係有Ｄ壓迫感。
成羣大象過咗，我地又走番出黎，再去河邊睇佢地沖涼。
工作人員用枝水炮同Ｄ大象沖身。
睇完大笨象沖涼就去參觀利用大象Ｄ糞便黎做紙嘅工廠。
呢張制成品就係用大象嘅糞便做出黎嘅紙張。
繼續喺大象孤兒院內參觀其他Ｄ地方。
到此一遊。
喺泰國清邁Ｄ金椰子好矜貴，喺斯里蘭卡呢度就隨處可見。
小象唔駛做，喺度開餐。
參觀完大象孤兒院就行番出去上車番「可倫坡」。
兩個多小時嘅車程，番到斯里蘭卡首都「可倫坡」。
市內參觀獨立廣場、國會大廈、1749年建成嘅荷蘭教堂等等。
行到夠鐘就去食晚飯，今餐係食中菜。
飯店內養咗兩條好靚嘅紅龍（辣椒）。
呢餐都叫做食得飽。
食飽飽去行吓當地嘅超市。
超市內貨品齊全，我同大人就冇乜興趣買野，Ｄ團友就大出血喇。
呢Ｄ魚睇落都唔係幾新鮮，腥鰛爛臭。
行完超市就番酒店，呢間係我地喺馬爾代夫番黎住第一晚果間酒店，今晚又住番呢間。
聽朝一早要出机場，一攞咗房間就番房沖涼，嘆番杯奶茶，執好Ｄ行理聽朝唔駛咁踢脚，上陣網就瞓喇。
19-12-2016 (第八日)
一早五點起床，梳洗好，落大堂攞份輕便早餐，認咗行理就上車出机場；晨早冇塞車，好快就到咗机場。
航班準時起飛，喺泰國曼谷停留，上机客人唔多，可以大爺咁要哂成行位瞓陣先，唔好叫我地食餐呀！
瞓醒一覺就番到香港，番到屋企以經係八點幾喇！
總結今次嘅旅程都幾他條，首先講喺「馬爾代夫」，喺呢個渡假天堂，簡直可以用「嘆世界」黎形容，等我發咗達，一定會再去嘆番一頭半個月；喺斯里蘭卡就多Ｄ野睇，喺呢個國家，見識到當地人民對宗教嘅狂熱；食果方面就嘛嘛地喇，有幾餐簡直食唔落添；酒店算OK喇，渡假屋好有渡假嘅感覺；旅遊巴新淨，冷氣夠凍，司机安全駕駛；領隊甘仔都算唔錯，態度親切，談笑風生，幾有禮貌，係懶咗ＤＤ啫(冇巡過房)；今次嘅分數就比八十分喇！
