馬爾代夫、斯里蘭卡八天遊(第六日)

今日嘅重點係自費去參觀波隆納魯沃古城（世界文化遺產）每位65美圓；傍晚去位於聖城康緹市嘅「佛牙廟」參觀，傳說寺內有佛祖釋迦牟尼圓寂時遺下嘅牙齒。

17-12-2016  (第六日)
七時起床，梳洗好就過餐廳食早餐。

食飽飽散吓步，呼吸吓新鮮空氣。

 八點離開酒店往參觀波隆納魯沃古城

 到咗目的地都仲落住細雨。

 唯有打住傘行喇。

 呢度都有馬騮喺度註守。

好彩Ｄ雨開始停。

 Ｄ馬騮都出黎揾食。

 落完雨，天氣清凉好多。

呢度唔單止有考拉斯時期嘅婆羅門教遺址，仲可以睇到帕拉克拉馬一世喺十二世紀時修建嘅神話般花園城市嘅遺迹，列入（世界文化遺產）。

 貴妃浴池。

 雨後松露。

 繼續週圍逛吓。

 我又喺搞搞震。

 呢邊有巨形石雕佛像，入內要除鞋，落雨濕濕，費事整污糟隻脚，咁就喺場外參觀吓就算。

 影影吓特然有工作人員埋黎話唔准用背向住佛像影相，嚇得我吖。

 咁我地唯有面向佛像，再擰轉頭黎影，工作人員就笑笑口話OK喎！

 參觀完波隆納魯沃古城就上車往香料花園參觀。

 黎到香料花園，首先喺園內嘅餐廳食午餐。

 Ｄ野唔啱食，我剩係食咗隻蕉。

 食飽就週圍參觀吓呢個香料園。

 有工作人員示範香料化妝品有乜好處，仲請咗位大胆女團友出去示範添！

 玩完一輪，搞搞震，冇幫襯，又出花園參觀吓Ｄ香料植物。

 參觀完香料花園就上車由丹布勒市往聖城康提，我地首先黎參觀呢度馳名中外嘅「佛牙寺」。

 入寺內要除鞋，服裝要端莊，着露肩、露背、短褲者都唔比入去。

 時間啱啱好，開始善信參拜佛牙儀式。

 我地上到黎二樓佛牙擺放嘅地點。

 迫迫吓埋到去對正擺放佛牙嘅中間位，等大門開啓。

 開門喇～我地離得遠，乜都睇唔到，Ｄ信衆就輪住去參拜。

 人越黎越多，我同大人講不如走先囉，一發生咩事，人晒人就不堪設想，大人都話啱啱比人晒咗一脚，走囉走囉～

我地嗱嗱聲落番黎，喺樓下參觀吓就算喇。

 行番出去着番鞋就出門口上車返酒店。

 好快就番到我地今晚入住嘅酒店。

 等攞房間。

 攞咗房間，上埋行理，洗個面就落餐廳食晚餐。

 過得去咁喇。

 食飽飽番房冲涼上網，嘆埋杯奶茶，睇陣電視就瞓喇。

聽日去參觀大象孤兒院、寶石博物館、鍚蘭紅茶園、可倫坡市內觀光。