馬爾代夫、斯里蘭卡八天遊(第二日)

今日晨咁早就出机場往馬爾代夫首都「馬里」行吓，食埋中午飯就上島喇！

13-12-2016  (第二日)
05:00起床，落大堂攞份早餐。

 大人食咗件吞拿魚三文治，咁早起身，我就冇乜胃口喇！

 齊人就上車出發。

 半個鐘度就到咗机場。

 航班準時起飛。

唔夠瞓，早餐食唔落，恰番陣好過。

 個幾小時就到咗馬爾代夫机場。

 喺停机坪可以隨意走動。

 將行理寄存好就等船往「馬里」島。

 碼頭Ｄ水質都咁靚

 趁未上船同大人影張靚相先。

 上咗呢Ｄ好似街渡咁嘅船，援慢咁駛往馬里島。

 船航行咗半個鐘就到咗馬爾代夫首都「馬里」。

 導遊首先帶我地去週圍遊覽呢度嘅街道，介紹馬爾代夫歷史，建築物等等。

 我地就掛住影相，導遊講嘅野就左耳入右耳出，都唔記得佢噏咗Ｄ乜。

 逛吓當地嘅街市。

 生果大多數係木瓜同香蕉。

 咸魚鯹瘟爛臭。

 喺街市後面行出海邊呼吸番Ｄ新鮮空氣。

 行過去魚市場睇睇，都係Ｄ鬼頭刀、烟仔虎。

 吞拿魚都好多，不過呢Ｄ吞拿唔能夠用黎做刺身，只可熟食。

 午餐食所謂（中餐），炒米粉、炒飯、炒通菜。

 有冇人認得半邊面果位係乜水！

 行完街，食飽飯就乘坐快艇往渡假島。

 占太兩姊妹。

 快艇航速好快，澎澎聲好似坐過山車咁。

 半小時航程就到咗我地今次嘅渡假島。

 確認咗行理，服務員會將Ｄ行理送上我地入住嘅房間。

 一上碼頭就比現場嘅美景吸引住，當然要將佢留住喇。

當日嘅天氣嘛嘛，好彩有景色搭夠。

 呢架就係載我地黎渡假島嘅快艇。

 大人話頭威頭勢，影多幾幅先。

 喺渡假島嘅招牌打咭。

 攞咗鎖匙就揾番自己嘅房間(154)號，房間外面係一片椰林沙攤，行幾步就可以落水游泳，一個字（正）！

 房間內半露天嘅浴室，好有大自然嘅感覺，有冷熱水供應。

 房間內有冷氣，舒適整齊乾剩。

 打開房門，陣陣海風吹入，未開冷氣都唔覺熱。

 不過住慣城市嘅我地，喺室內都係開冷氣舒服Ｄ。

 休息咗一陣就行番出去餐廳食晚飯(自助餐），餐廳內都係冇冷氣，晚上有海風所以唔覺熱。

食物種類好多，實會有啱你嘅野食。

食飽飽就出去沙灘漫步，行咗一陣就番房，嘆番杯靚奶茶就覺覺豬喇！

聽日全日都係喺島上自由活動，敬請留意。