韓國「全羅南道」內藏山五天風景之旅(第四日)

26-10-2016  (第四日)
身處首爾，都係逛街街，食吓野，買吓野咁囉，不過都有一個景點「昌德宮」。

七點起身，梳洗好落大堂等齊人出街食早餐。

 呢個早餐係中式。

 個早餐麻麻地嘖。

 食飽上車去參觀紫菜博物館，仲有學整壽司。

 大人都整得似摸似樣。

 我就不在話下喇，整壽司係我強項。

 又有3D館比我地影吓相。

我又簡番套韓服喺度攪攪震，大人話Ｄ衫唔靚所以冇玩。

連老友Ada都玩埋一份。

韓國仔同我影嘅，又盛惠4500韓睘。

攪咗一輪上車去食午飯。

 餐廳門口有售賣生果嘅小販。

 今餐係食傳統韓國人蔘雞。

 嚓喇喂～

食過午餐，上車去參觀「昌德宮」

 途中見有好多穿起韓服嘅外國遊客。

 好快就到咗「昌德宮」，導遊話呢度以前係皇帝上朝議政辨公嘅地方，我地買咗飛就入去參觀吓喇。

 宮內有好多乜門勿門。

 呢座仁政殿有番Ｄ睇頭。

 朝鮮古時Ｄ官階同中國一樣，由一品大員至九品芝麻官。

遊客穿起韓服週圍影相。

 皇帝上朝大殿。

 四圍參觀吓先。

 仁政殿。

 見棵樹咁靚又影吓。

 又有棵長滿果實嘅柿樹。

 大人見我想咬落去即刻喝止，仲未熟唔食得架！ 你詁我儍嘅咩，作吓狀之嘛。

呢度門通往後花園。

 呢Ｄ咁清静，梗係官員嘅休息室喇。

 Ｄ紅葉又幾靚喎！

 出咗門口先至記得冇係正門打卡，嗱嗱聲影番幾幅到此一遊。

參觀完「昌德宮」，上番車去韓國人蔘專賣廳，再去韓國有名嘅美容護膚專門店參觀(購物)。

 參觀完Ｄ悶到揪根嘅地方就上車往市內行街街。

 開始自由活動，晚飯自己攪掂。

 大人對於韓式小食都好有興趣。

 原來係花枝丸。

 大人買咗盒花枝丸比大家一齊過吓口引。

 週圍仲有好多小食攤檔。

 特然見到呢間蛋糕店排哂長龍，梗係有順野咧，大人同Ada唔執輸，埋去排埋一份。

 原來係台灣人過黎開嘅芝士蛋糕店。

 新鮮熱辣，梗好食喇。

 排咗成廿幾分鐘，卒之排到，仲要係每人限買兩件，不過都幾大件吓架，合共買咗四件。

 買咗蛋糕，再行一陣就揾間合大家心水嘅餐廳食晚餐喇。

 我食吉列豬扒飯套餐，大人就要咗個海鮮湯拉麵。

 小小飯，大大塊吉列豬扒，係米好正呢！

 威哥兩公婆就實係要食飯嘅。

 呢間餐廳Ｄ野都啱我地十個老友口味，最緊要係冇咋形吖嘛；埋咗單，去埋洗手間，就行番去集合地點上車番酒店。

今日都幾攰吓，沖埋涼，嘆埋杯奶茶，上陣網就瞓喇。
聽日上午會去新村梨花女子大學街行吓，下午上机番香港。