日本-大阪、京都、奈良、神户五天遊 (第二日)

食咗早餐首先去逛神户中華街；跟住去北野異人館街，外觀神户市象徵建築物-「風見雞館」，欣賞吓異國風情，；神鹿公園，近距離接觸可愛嘅小鹿；遊覽世界文化遺產「東大寺」；往黑潮市場觀賞日本師傅驚人力功嘅吞拿魚解體秀，順便喺果度食午飯，水果市場買生果；番酒店，入住白濱温泉渡假酒店（日本三古湯），享用日式温泉風呂，喺酒店穿著日式和服共進自助海鮮晚餐。

6-6-2018  (第二日）

早上06:15起床，梳洗好就上酒店嘅18樓食早餐。

 日式早餐我最鐘意。

 大人都話OK。

 食咗早餐首先去逛神户中華街。

 中華街即係當地嘅唐人街。

 逛完中華街跟住去北野異人館街。

 喺神户市嘅北野，留存住大量建設喺幕府嘅未期，明治時代以後嘅西洋館，其中北野異人館街公開作為旅遊地，當中「風見雞館」嘅磚外壁同埋風信雞，成為北野異人館嘅象徵，係國家指定重要珍貴文化遺產。

 神户市象徵建築物-「風見雞館」。

 呢Ｄ都係喺幕府嘅未期，明治時代以後嘅西洋館（外國大使館）。

經過Ｄ神社就過去玩吓。

鳥居下影番張相。

遊覽完異人館街，上車住奈良，當地車牌。

 住奈良遊覽世界文化遺產「東大寺」同埋「神鹿公園」。

 我地首先去「神鹿公園」玩吓，嗯～有幾滴雨水喎，帶番把摭先。

 喺奈良公園內嘅梅花鹿，一Ｄ都唔怕人，睇到遊客會主動示好，其實佢地係對你手上嘅食物有興趣，因為園内有攤檔售賣可供遊客喂飼小鹿嘅草餅。

 逛完「神鹿公園」就行過去參觀世界文化遺產「東大寺」。

 世界文化遺產「東大寺」係日本最知名，有1200年歷史嘅寺廟，係目前世界上最大嘅木造建築，高47.5公尺，喺中國唐代日本天皇派遣使節進行文化交流大，建成極具中國唐朝風格嘅寺院。

 寺廟内嘅釋迦牟尼佛像。

 釋迦牟尼佛像嘅蓮花瓣刻有好多經文圖案。

 寺廟内嘅其他佛像。

 釋迦牟尼佛嘅四大護法。

「東大寺」模型內嘅佛像都造得好精緻。

 想行番出去，團友話入面有野玩喎，咁我就嗱嗱聲走番入去東大寺內。

 原來寺內有條木柱，如果信徒喺柱腳呢個洞穿過，可以保佑佢合家平安；咁我就幾歹都要玩吓喇。

 個洞好窄，机乎穿唔過，好彩有人幫手拉我出黎嘖。

 穿過咗喇，可保合家平安。

 離開「東大寺」，上車往和歌山。

 到咗和歌山喇。

 到咗和歌山喇，有好多種米嘅稻田。

 到咗和歌山，首先去黑潮市場食午餐。

 食飽飽就去黑潮市場內參觀。

 黑潮市場係深受外國遊客鐘意嘅有人氣嘅景點，喺呢度，我地可以睇到喺日本都好少見到嘅鮪魚解體秀，亦都可以購買同品嚐到其他新鮮魚類同埋貝類。

 有野玩，我地又攪攪震，我捧住條藍鰭吞拿。

 大人捧住舊大壽司。

 黑潮市場內有各式各樣嘅海產。

 仲有好多特產比我地選購。

 喺日本都好少見到嘅鮪魚解體秀。

 兩位美少女睇到眼定定。

 唔駛五分鐘就劏好一條大吞拿，犀利。

 睇完鮪魚解體秀，入水果店買水果。

 離開黑潮市場番酒店喇。

 今晚我地入住嘅係白濱古賀之井温泉度假酒店，位於和歌山縣紀伊半島南端嘅白浪濱海濱，係日本三大古泉（有馬温泉、道後温泉、白濱温泉）之一，呢度三面環海，碧海白沙灘，環境優美，係日本著名嘅渡假勝地。

 白濱古賀之井温泉度假酒店大堂。

 出面有個花園。

 酒店內嘅購物商店。

 房間唔錯。

 落地大窗，出面環境優美。

 大人即時上WiFi。

 行出露台，可以飽覧全海景。

 換好和服去浸吓温泉喇～

 浸完温泉去餐廳食晚餐。

 約埋新朋友齊齊去餐廳食晚餐。

牛扒冇得頂，魚生夠新鮮。

 大人話浸完温泉零舍開胃嘅。

 一路傾一路嚓喇喂。

 頂呱呱，好食到唔停得口。

 都唔知食咗幾多轉囉。

 自選海鮮丼。

 喺酒店穿著日式和服共進自助海鮮晚餐，另有一番玆味；食埋甜品生果，食得大滿足，跟住番房休息喇。