日本-大阪、京都、奈良、神户五天遊 (第三日)

離開和歌山往京都，首先去參觀世界文化遺產「清水寺」；之後我地穿上日本和服，漫步「伏見稻荷大社」，參觀著名嘅千本鳥居；乘車往大阪，暢遊大阪城公園，參觀好有歷史性建築「天守閣」；逛吓道頓崛美食街。

7-6-2018  (第三日）
06:15起床，梳洗好出露台呼吸吓清新嘅空氣。

 落餐廳食個豐富嘅早餐。

 自選海鮮丼。

 落餐廳食個豐富嘅早餐。

 乘旅遊巴離開酒店往京都。

 往京都途中。

 往京都途中，喺服務區小休。

 三小時嘅車程就到咗京都。

 先去食午餐。

 今次旅程新老友徐生徐太。

 食飽午餐首先去遊覽世界文化遺產「清水寺」；街上有年青力壯嘅手車夫載遊客參觀。

 往清水寺嘅街道有好多遊客。

 到此一遊。

世界文化遺產「清水寺」係京都最古老嘅寺廟，建於公元780年，佔地共13萬平方公尺（大約15個足球場嘅大小），由僧人「賢心」所創建，因為多年來受戰亂等災害受損，依家嘅樣子係江户時代德川家族於1633年重修嘅。

清水寺本堂。

 由呢度上去就係求姻緣勝地-地主神社。

 地主神社。

 掛滿祈福木牌。

 姻緣石；由呢舊石開始閉起双眼，一直行過去另一舊石度，如果行得到就有運行喇。

 而呢舊石就係終點。

 乜都影一餐。

 比人偷拍添。

用金打造嘅佛像。

 到此一遊。

 靚女喺度影咩呢，啊～原來有開得好燦爛嘅藍色繡球花。

 開得好燦爛嘅藍色繡球花。

 行到黎呢度，排隊上去飲水祈福。

 我同大人都係飲左手面祈求可保健康嘅泉水。

 夠鐘就落番去集合地點上車。

 我地會去一間出租和服嘅公司，有專人幫我地穿上日本和服，漫步「伏見稻荷大社」，參觀著名嘅千本鳥居。

大人換上日本和服。

徐太都換好和服，輪到男士去換衫喇。

大家換上和服就出去行街。

 徐生徐太好攪笑。

 旅遊日本，著起和服行街，又有一番特別嘅感受；喺呢度冇人識，唔怕異相。

徐太話日本Ｄ女人係要黐住個老公喎。

火車路軌，好有懷舊嘅感覺。

行到黎「伏見稻荷大社」嘅門樓；呢度係全日本各地四萬所稻荷社嘅總社，係日本人信奉可保佑商業繁榮昌盛、五谷豐收之神所在地嘅稻荷神社；位於稻荷山，由門樓、本殿、千本鳥居等構成，有一條睇落似隧道，由千座朱紅色鳥居所構成嘅通道，直通稻荷山頂，係京都獨特風景嘅代表之一。

漫步沿梯級上去。

 喺本殿停低抖抖影吓相。

 繼續漫步沿梯級上去。

 準備過去一條睇落似隧道，由千座朱紅色鳥居所構成嘅通道，可直通稻荷山頂。

 呢條睇落似隧道，由千座朱紅色鳥居所構成嘅通道，可直通稻荷山頂，係京都獨特風景嘅代表之一。

 千本鳥居出面冇咁多人。

 呢座神社顏色咁靚，影番張合照先。

 週圍逛吓先。

 大人趁熱鬧去洗吓手。

 Ｄ水好清凉喎。

 唯一嘅一幅戴帽著住和服嘅相。

參觀完伏見稻荷大社就一路行番去出租和服果間公司。

 換番自己衫，上車往大阪城公園。

 到咗大阪城公園，首先見到一條護城河圍繞住大阪城。

 落車準備入大阪城公園遊覽。

 到此一遊。

大阪城公園位於大阪嘅中央，總面積達105.6公頃，規模宏大，園內除咗有大阪城天守閣等歷史性建築之外，仲可以觀賞到四季唔同嘅花卉。

 一路行入去可以見到用黎建築城牆嘅巨形大石。

 呢座建築物梗係現代新建架喇。

 遠遠就望到大阪城嘅天守閣。

 「天守閣」，打咭熱門景點。

唔同角度黎睇「天守閣」都一樣係咁靚。

 又攪攪震。

 離開大阪城公園上車往心齋橋道頓崛。

 黎到道頓崛，有一個鐘比我地去逛街，而今日嘅晚餐係自己揾食，所以我地同徐生兩公婆都費事行街，喺度食埋飯好過喇。

 雞泡魚（河魨）。

 徐太帶我地去之前黎過果間餐廳度食，佢話唔錯架。

 就係呢間喇。

海鮮丼，賣飛佛。

 揾個位落單等食。

 睇到都流哂口水。

  

 唔客氣喇，嚓喇喂～

呢間野又平又靚，唔錯。

 大人話下次再黎幫襯。

 夠鐘去集合地點，上車番酒店。

 番到酒店，擺低Ｄ行理，見個肚仲有空位，今次我地帶徐生兩公婆出去揾食喇，地點就係王將餃子拉麵。

 湯底一流，麵爽口。

  食到嗒嗒聲。

 煎餃子香脆多汁。

 徐生都話冇介紹錯。

 食飽行咗陣街就番酒店，冲個凉，嘆番杯奶茶，上陣網就覺覺豬喇。