澳洲塔斯曼尼亞八天之旅 (第三日)

早上會去要逢星期六先至開嘅撒拉曼卡市場逛吓，到Curringa農莊觀看剪羊毛、牧羊狗趕羊表演，我地會喺農莊裏面享用豐富BBQ午餐，再去遊覽當地兩個天然瀑布，晚上逛超市。

13-10-2018  (第三日)
早上7:15起床，梳洗好就落餐廳食早餐。

 食過早餐上車出發，今晚都係番呢間酒店住，所以唔駛執行理。

 首先到逢星期六先至開嘅撒拉曼卡市場逛吓。

 一早已經擺滿攤檔，遊客都唔少。

 呢度都係售賣自家製做當地嘅特產咁喇。

 呢檔係電視紅星鄭裕玲介紹過嘅薰衣草製品攤位囉！

 呢檔售賣塔斯曼尼亞魔鬼公仔。

 各樣厨房木制用品。

 逛完星期六市集就上車往Curringa農莊。

 途中停車比大家小休一陣。

 好快又到咗Curringa農莊，首先去農莊内餐廳食午餐。

 Ｄ牛扒羊扒真係用柴火黎煎喎。

 見仲未食得就出外走走。

 農莊老板話Ｄ扒食得喇，唔好過哂火，如果唔係Ｄ扒熟過頭就唔好食架喇！

 跟住大家就入番餐廳度開餐喇。

 我嘅牛扒。

 大人嘅羊扒。

 飲杯，祝以下落黎嘅旅程順利愉快。

 食飽就出去睇表演。

 老練嘅牧羊狗，農莊老板話佢以經11歲。

 表演剪羊毛。

 剪哂毛嘅羊同我地合照。

 熟練工人介紹剪落黎嘅羊毛處理方法。

 跟住出草地睇牧羊狗趕羊表演。

 呢兩隻野趕到Ｄ羊索哂氣。

 牧羊狗將Ｄ羊趕埋一堆比大家拍照。

 上車出發，個多小時車程就到咗Mount Field National Park。

 園內倒下嘅大樹。

古樹參天，大人行埋去，人立即變渺小。

 經熱帶林區。

 羅素瀑布。

 行到攰休息吓。

 休息咗一陣就繼續往上行。

 馬蹄瀑布。

 一路行，唔辛苦，呼吸到咁新鮮嘅空氣，乜都值番。

 夠鍾就沿路落番去集合地點。

 蕨類植物。

 到此一遊。

 上車番荷百特。

 番到荷百特又係晚餐時間，今晚食唐餐。

 坐低嘆杯茶先。

 起菜喇，澳洲Ｄ中菜唔錯嘅。

 食飽飽就上車番酒店喇。

 噚晚眼瞓過頭冇影到間房添，今晚補影番。

 洗過手面就落街逛超市。

 Ｄ肉類都好平。

逛完超市番酒店沖涼，嘆番杯奶茶，上陣網就瞓覺喇。