24-2-2011 (農曆正月廿二) 屎流
上次喺南丫煤橋釣果條花鱸，大人同奉場客都
話好食，咁我就再約「高橋雪也」，再去煤橋
，睇有冇食神至得，今次高橋仲叫埋佢嘅好兄
弟一齊尼玩添。
18:45落到北角，停咗車喺咪錶位等高橋，想
話入錶行開陣，去買碗什河食吓，點知自己換
咗銀包，冇帶八達通，咁為有唔走開喇，費事
泊貴位嘛！等咗陣佢就尼到。
19:00跟住飛車入香港仔「滿利」買魚餌，好
彩趕得切未關門，再去「南記」買三碗「鴛鴦
米」做糧食，就過去鴨脷洲泊好車，喺洪勝碼
頭上船向南丫出發啦！
睇佢呢兩位美式裝備嘅〝貴〞客，今次又有冇
驚喜先！
我就沖滿信心中目標魚喇。
20:10到咗目的地，佢兩個就上三樁，我依然
中情大樁。一跳上去就嗱嗱聲開好枝釣鱸竿先
，落咗餌，再開埋兩枝打沉底竿，跟住就坐定定
，望住三枝竿等運到！
今晚係屎流，Ｄ流水好慢，一路轉咗幾次位，
三枝竿毫無動靜，到咗22:50釣鱸果枝竿頭彎
咗一吓，黎料喇!!我即刻揸起枝竿，竿頭再彎咗
幾吓，跟住就來一野沉重嘅拉力，嘩!大野~我
馬上揚竿，成枝竿都彎晒，即攪四五吓，越收
越緊，咁我為有頂幾秒先喇，將條魚由樁底頂
番出尼，再攪幾野，條友仔一出黎見光就開尾
發力，我就即刻放幾呎繩佢走吓喇，佢以為得
米就慢落尼，我就把握時機，吸一囗氣，發力
再頂，順勢一路收佢上水面，佢就出埋最後絕
招『飛出水面洗鰓』，冇用嘅!!到最後都係要
乖乖入我嘅撈箕度上水喇。快手將條魚落好生
扣，檢查Ｄ繩有冇花，發覺主、子線都花晒，
咁就換過子線，落餌繼續釣。
見得閒就攞條鱸上尼影番幅相先。
睇落尼條花鱸大過上次果條喎！
一路到霖走前半個鐘，都有一吓食餌嘅魚訊，
可昔佢放口，收番隻虾上黎睇吓，隻虾比佢咬
扁咗，跟手換過餌再放落去，跟住就一路收架
生一路恰住枝竿，卒知到最後都係冇料到。
01:30上番黎接我地架艇番鴨脷洲喇。
兩個〝貴客〞又做〝龜客〞，冇晒心机，一上
船就大覺索，我就梗係開心喇，因為又贏一扙！
「高橋」...條花鱸想咀你呀!!
番到鴨脷洲攞車，再落香港仔森記食宵夜，跟
住送埋佢地番北角，番到屋企都三點半喇！
咁夜大人梗係瞓咗覺喇，又係要自拍先得喇。
「May姨」!!我冇將條魚隊前黎影架，條魚係咁
大條加嘛！
準備劏魚，尼條魚肥一肥，重四斤半，
長度70CM！
總結:天氣回暖，鱸魚開始開口，而沉底依然冇
生物，可能水口仲係凍。
22-2-2011 (農曆正月二十) 小小凍
今日唔係好凍，係時侯去主場攞番個頭彩喇，
18:30一條冷落到去，正在起緊流，我用最快
速度開好三枝竿，睇今日有冇運行先
！一路
釣到22:00三枝竿郁都唔郁吓，尤其是沉底果
兩枝。算喇收野走人~收剩枝半水釣鱸果枝竿
喺度搏符轆，其他架生一路慢慢收！
收收吓架生，見釣鱸果枝竿頭慢慢比野拉落去
，我梗係即刻執起枝竿，點知條友仔食得好精
，輕輕拉咗幾吓就放口，我收番隻虾上黎，隻
虾比條鱸咬屎咗，嗱嗱聲鈎過隻最生猛嘅虾乸
落去，一放落去唔夠十呎，隻虾就搏哂命咁跳
，跟住一吓沉重嘅拉力，我都唔敢抽住，當佢
第二吓發力嘅時侯，我就黎料喇，重重一野抽
竿，〝中咗〞我一寸都唔比佢，幾吓手腳就上
水面，跟手撈箕上水，解鈎直入冰箱，見頭彩
已攞，見好就收，執埋Ｄ手尾就鬆人囉！
大人瞓咗覺，我又要自拍喇！
呢條花鱸都好肥美，腰背圓潤，過磅兩斤五。
劏好魚，攪惦晒Ｄ野，整番碗(大人煲定等我番
16-2-2011 (農曆正月十四) 大生流
今年嘅頭彩，一樣唔番主場攞，因為對佢冇哂
信心！
晏晝「高橋雪也」約我今晚去【煤橋】釣番轉
，咁就梗係即刻應承佢喇！
18:15到『北角』接埋佢，就往目的地出發喇
。喺『香港仔』買好餌，車番過『鴨脷洲』，
架車又係泊番喺『洪勝碼頭』，上好糧水(鹵水
鵝米)，19:00坐「勝哥」架艇往煤橋。
喺途中又發現呢件新玩具，又梗係「高橋」Ｄ
貴價野喇，呢舊咁嘅野都唔駛七千蚊，
『好...平..啫..』!!
唔好望實我，今次冇面比，睇今次係貴架生
贏吖定平架生贏！(上次我Ｄ平野輸咗比佢)
我都係上大樁，「高橋」就梗係五樁嘅。我一跳
上樁就趁啱啱轉流，嗱嗱聲開好架生，冇幾奈，
釣半水果枝竿頭，重重咁比野拉咗一吓，收番上
黎睇，隻蝦得番個頭，嗯~有料到！即刻鈎過隻
生猛Ｄ嘅蝦落去果然快呀吓，放咗都唔夠十呎條
魚就埋尼搶喇！中呀≧≦頭威頭勢，唔同佢玩，
人魚大戰唔駛半分鐘就結速，撈箕上水，跟手落
兩個生扣，嗱嗱聲再落餌，睇仲有冇運行至得。
好奈冇中過嘅魚，釣到梗係零舍開心嘅！
得我一個人，影相就要自拍喇！
打個電話過去「高橋」度問戰况，佢就扁哂咀
話連斷兩口，有一口重見係三四斤嘅牛屎添。
跟住落尼，個海又好似冇哂生物咁，水靜河非。
准備執野走果時，釣鱸枝竿又響喇，我輕輕一
帶就中咗佢喇，冇乜力水，好順咁就收咗上黎
，係斤頭小鱸，因為就走，所以直入冰箱。執
好架生，清理好釣場，上艇回航。
今次係【平架生】嬴！花鱸四斤。
一大一細，雙影成趣。
準備劏魚喇。
沖埋凉，食Ｄ野，攪得黎都天光喇！拜拜
21-1-2011 (農曆十二月十八) 都幾凍吓
話說我喺主場連龜四次，難得高橋雪也來電，
約去南丫煤橋釣番晚，咁就梗係應承咗佢喇！
18:30到北角接咗佢，就去香港仔買魚餌，跟
住過鴨脷洲洪勝廟碼頭等上船，因為今晚都幾
凍吓，見仲有Ｄ時間就去買碗鹵水鵝米醫吓肚
；19:30上咗勝哥架艇，就向我地嘅目的地進
發喇！
高橋又置咗Ｄ新架生，一枝竿一個攪，咁就過
萬蚊(Ｄ人真係有錢)，睇你今次釣到Ｄ乜
~~
又咁又咁，好似好得喎
！
到咗目的地，我就上大樁，高橋上五樁。咁就
一路到22:45我就首先中條兩斤嘅牛屎，落好生
扣，就好招積咁打電話過去，問佢果套萬幾蚊
嘅架生有冇發市，回履當然係冇啦
！哈哈........
23:05我電話響，高橋來電中牛屎三斤幾，隔冇
幾奈23:30又話中大牛屎，呢條仲大係四斤幾
！
02:00回程嘅時候，喺艇上展示收穫，呢次就輪
到佢牙擦擦咁話：「貴架生釣嘅魚，果然都會
大Ｄ同多Ｄ嘅」
~
我都好開心，須然自己得一條兩斤牛屎到尾，
但都係今年唔錯嘅開始吖！埋咗岸攞車去香港
仔森記宵夜，食飽飽就送埋高橋番北角，我自
己番到屋企都三四點喇
。
番到屋企又係自拍囉
！
牛屎條條都咁肥美嘅
。
