30-9-2009 （農曆八月十二） 星期三
果晚喺主場，Ｄ烏頭大咬
。
。
6-10-2009 （農曆八月十八） 星期二
又釣到爆箱。
。
8-10-2009 （農曆八月二十） 星期四 生流
果晚約咗高橋雪也去南丫煤橋釣番轉，佢仲黎接埋我，唔使我揸車入鴨脷洲。18:30我地上好糧水，就落艇向南丫出發，唔知點解，可能奈冇去嘅關係掛，所以今日我心情特別靚，經過45分鐘嘅船程，就到達目的地，雪也上五樁，我就梗係上大樁嘅。
上到去拿拿聲開好兩枝笩仔打沉底，另開一枝生虾釣半水。攪惦哂梗係開張蹬，坐定定，嘆番碗上艇前買嘅鹵水鵝湯河，當我食到五滋六味嘅時候，聽到沉底枝笩仔個鉸微微響咗一聲，我知有料到喇，放低碗嘢，攞番起之笩仔，竿頭又向下彎咗幾吓，再黎一吓狂拉，我就往上一頂，呀！即時感到好重嘅拉力，頂咗四五秒，就開始人魚大戰喇！首先我好快速咁攪咗六七吓，但條魚好有力水，我就微微放兩三呎繩就一就，再向上一頂，使出左右野馬分鬃呢一招，果然有較，再用無敵風火輪，一頂一收，好快就見魚影喇，漆黑嘅海中，只見銀光一閃，兩斤嘅細鱗就比我收服咗，用撈箕上水，落好生扣，再鈎餌落去，我就繼續食埋碗河粉。
又過咗半個鐘，我嘆緊最鐘意嘅奶茶，個鉸又響，呢次收上黎係一條十二三両嘅泥婆，最麻鬼煩釣到佢，又驚佢咬人，為有剪線，再挷過鈎，又再鈎餌落去。跟住都係劃仔，石九，再冇驚喜，釣到00:30就執埋架生，清理好釣場，01:00艇家勝哥就黎接埋我地番鴨脷洲攞車，再出香港仔宵夜，番到屋企都成三點幾喇！
中咗對像魚，心情特別靚。
自拍都要整個勝利手勢~~爺！！
番到屋企嘈醒咗大人，佢仲同我影張沙龍添。
全晚魚獲：細鱗兩斤，泥婆十三両，蠱劃仔 × 2。
好奈冇中過嘅細鱗(兩斤)
第晚三公主唔使做，大公主同佢老公又番黎食飯，玫瑰小姐一家都有黎，所以將條魚清蒸咗，個個都話一流好味
。
。
