烏頭得 One Look

2-9-2009    (農曆七月十四)   生流   大東風

食飽晚飯，冇乜好做，都係去主場吹吓海風先。

20:30落到去己經見到 Uncle 同師傅偉喺度釣緊烏頭，仲未開齋，所以我就慢慢開竿，點知此時 Uncle 大叫(有魚食餌呀)，我嗱嗱聲上好餌(麵飽)， Set 好個浮波，就向佢講嘅位置掟過去，此刻佢已經中魚收緊埋尼喇，而我個浮波就左右擺動，有魚食緊，師傅偉又中，而我個浮波也訊速消失於海面，尼次輪到我中喇，一提竿，快速攪三四手，己經滿弓，都唔細，起碼兩斤，玩咗一輪，終於上水，放落冰箱，再繼續釣，但係羣魚又唔知去哂邊，冇哂動靜。

22:00水向東流(落流)，大家吹咗一輪水，又見唔到魚蹤，既然人人有魚中，都過足引啦，所以就收執埋Ｄ架生，清理好釣場，早Ｄ番屋企喇，拜拜！

條海老烏幾靚仔！我仲請佢食麵飽添。