26-9-2009 (農曆八月初八) 星期六 慢流 東風
今日週末，冇街去，梗係落主場踎吓啦；落到去七點幾，Uncle、偉哥、黑仔，個個黎齊，見無乜流水就慢慢開竿喇。
第一口餌掟出去，漂咗十幾分鐘，有魚食喇，個浮波一沉，我跟手一揪，噢！唔中^^#再落第二口餌，成半個鍾冇料到，跟住換個位置，再掟個波出遠Ｄ，果然有魚搶食，浮波擺動咗幾吓，就消失喺漆黑嘅海中，我訊速提竿一帶，中喇！頭威頭勢，快手收佢上黎落埋冰箱。跟手再整多兩條添，最後一條自己貪玩，中咗唔收佢，同佢玩咗兩分鐘，卒之爆咀，Uncle都中咗四碌，呢次師傅偉打龜啦，佢話留力聽日上澳頭喎！
開心嘅時間過得真快，又十點幾囉，拾埋架生，清理好釣場，去宵夜喇，拜拜！
呢次試吓用咖哩焗黎食，睇吓好唔好食先
沒有留言:
張貼留言