金鼓真係收哂口

呢幾日都係屎流屎水，Ｄ海水變咗架啡，有

一兩條魚釣到都笑到見牙唔見眼，次次都係

(享受過程)。

25-7-2011  (農曆六月廿五)

金鼓搭條大石九

26-7-2011  (農曆六月廿六)

今晚好彩中番條磅頭金鼓，再加條〝Ａ〞

貨，夠我兩公婆一餐。

話時話!!呢幾晚都係一樣，每當Ｄ泥鯭一收口

(大約係七點零鐘度喇)，金鼓就出黎咬餌，當

釣到一兩條嘅時侯，過程都係喺十幾廿分鐘

，跟住就收晒口，再釣咗三個幾鐘，一口魚

訊都冇，所以都係夠食就算，早Ｄ番屋企吔

飯好過喇。

磅頭金鼓加條〝Ａ〞貨。

大人今次整咗我最鐘意食嘅鴨腿湯飯，等我

釣完魚番黎食，佢話天氣悶熱，食湯飯開胃

Ｄ喎！咁我劏好魚，跟住就開餐喇。