石狗天下

27-1-2013  (農曆十二月十六)
呢排釣咗六七晚都冇鱸魚釣到，但係自已又大引，為有喺雪柜攞盒千年蝦仁，落主場釣吓石九仔，好過喺屋企變化石吖！
落到主場，見章哥喺度釣緊，我開好竿先釣沉底，章哥問我點解唔釣鱸，我話都冇買生蝦，一心落黎釣吓魚仔之嘛！佢就話叫我開多枝竿釣鱸喇，橫掂有大把生蝦，搏吓符碌都好吖~都好喎！咁我就攞佢兩隻蝦，開竿釣鱸；到六點幾佢就走先，臨走仲比埋幾隻蝦我添。
到八點幾轉埋流，釣鱸枝竿郁都未郁過，沉底就釣咗條幾両沙鑽；唔係喇，釣鱸枝竿由佢擺喺度，都係要轉吓牌頭，釣石狗仔玩吓好過喇，跟住一路都係釣石狗，到十一點就收竿，收番釣鱸隻蝦上黎仲生猛過我，跟手執埋Ｄ架生鬆人番屋企。

海裹面剩係得石九公咋 ！

劏好魚，攪掂哂Ｄ釣具，冲埋涼，見章哥醒我果幾隻大蝦咁鬼大隻，唔好嘥，魚唔食人食，整番個靚宵夜自己嘆吓至得。 

雙旦肥牛大蝦湯麵，係米好正呢！

同場加影  

26-1-2013  (農曆十二月十五)

又係齋釣石狗。