今日天氣暖番，我睇Ｄ鱸開番口喇掛！落街市執廿零隻蝦，18:30落到主場，都唔敢厚望，所以都係開一枝竿釣鱸，一枝沉底搏符碌。
釣咗陣，師傅偉又黎到，我話Ｄ流都仲好急吓，咁佢就唔開竿住瞓陣先；呢個時候，沉底枝竿響咗吓鉸，我即刻執起枝竿，拉咗兩吓，好輕力，唔方大野，當佢有一吓大力Ｄ我就抽竿，一抽以經知係坑簾，收佢上黎就地正法，當我好小心咁解緊勾時，見枝鱸竿比魚拉咗幾吓，我即刻放低Ｄ野，飛身埋去攞起枝竿，輕輕手收兩吓線，條魚即時搶餌，順勢往上一抽，中咗!!快手攪咗六七吓，感到條線Hi住樁，即時停止收線，仲放番幾呎佢走，睇住條線一離樁就唔理三七廿一係咁收，唔駛十秒就將條魚扯到上水面，見條鱸都有兩三斤，即落撈箕上水，落好生扣，攪掂哂先去叫醒師傅偉，話比佢聽Ｄ鱸開口喇，跟住佢先至起身落竿。
又釣咗陣，Ｄ流水都轉埋，再冇魚食餌，既然揾到餸，要揾野煲湯得架！即刻轉釣組，走去叫埋師傅偉，齊齊釣石狗公，釣咗一陣，見都夠煲啖湯喇，又到十點，都係時候收檔去宵夜喇！
起碼有條鱸釣吓先至過引加嘛。
水口暖番Ｄ就有鱸開口。
百鳥朝皇圖。
呢條花鱸唔係好大，得三斤咋。
沒有留言:
張貼留言