落主場洗龜氣

24-10-2009  (農曆九月初七)  慢流

今日手痕，落主場攞番個彩先，19:30落到去照舊開兩枝竿沉底，一枝竿半水釣鱸，過咗半個鐘左右，釣半水枝竿頭郁咗一野，我就想攞起枝竿，點知特然條魚發力，我竿都未揸定就比佢拉到成枝竿彎哂，噢！立即輕哂，初初以為洗鰓斷線，收上黎睇個鈎重喺度，原來爆咀走魚，為有再鈎過隻虾落去喇！

又過咗半個鐘，沉底枝竿有料到，我就火速揸起枝筏仔，條魚繼續食餌，我就輕輕帶起舊餌，條魚就中招喇，一收一頂，條魚唔大，上到水係斤頭細鱗，師傅偉剛剛尼到，順便同我撈埋上黎，跟住影相落生扣。

用細鱗洗龜氣！

跟住冇幾奈，釣友海哥中咗條三斤牛屎，我就攞咗佢黎影吓相先。

番到屋企再影過。

準備劏魚。