一條到尾

9-1-2014  (農曆十二月初九)

噚晚爆咀走魚，條氣唔順，今日一於落主場捉番佢；18:00落到去照例開好三枝竿，一落餌即刻就有魚接，拉咗兩野，我就比鬆Ｄ佢，等佢再大力扯嘅時候就狠狠往上一抽，即中！攪七八吓，頂一頂再攪，好順咁上到水面，係兩斤小鱸；今次唔敢偷懒喇，即落撈箕上水，落好生扣放落水養住先。
心諗～冇屎喇，唔通有成基鱸埋咗黎，速速落餌繼續，點知一路磨到成十點幾，三枝竿都未郁過，北風又越吹越勁，都係執野走人去宵夜好過喇！

噚晚比佢走甩今晚捉番佢。

又係得一條兩斤鱸仔。

聽日用冬菜碎蒸。