今日首先去珠美灣欣賞建築於人工島上嘅「帆船酒店」；到金字塔餐廳食自助餐；參觀風塔大泥屋；乘當地傳統「水上的士 ABRAS」，過對岸行香料市場、黃金街；回來去逛全世界最大嘅購物中心商場，順道參觀(外觀）全世界最高嘅摩天大廈「哈利法塔」；晚上享用中東餐；再喺商場自由購物，由於要喺凌晨乘機往汶萊，所以逛到咁上吓就上車往機場喇。
早上都係瞓到八點幾先起身，梳洗好就落餐廳食早餐。
11點先至出發，仲有大把時間，出街行吓都仲得。
黎到架空電氣化火車站，外形咁特別，梗係要影吓相喇！
行入架空電氣化火車站裏面參觀吓先。
電氣化火車站大堂冇咩特别。
都有快速通道黎梳導繁忙時段Ｄ人潮。
玩吓先。
企咗咁奈都冇人行過，杜拜好多野都係做黎浪費嘅。
呢間士多仔都冇乜野賣。
夠鐘就行番過酒店，執埋行理就上車出發。
見到帆船酒店喇！
呢間珠美拉酒店係喺帆船酒店之前開嘅。
好快就黎到珠美拉灣！
建築於人工島上嘅「帆船酒店」。
咁特別嘅建築物，又係杜拜嘅地標，當然要同佢合照留念。
欣賞完喺杜拜咁靚嘅帆船酒店，上車去食午餐。
今餐係喺金字塔餐廳食自助午餐。
食物都幾豐富。
揾咗位就出去取食物。
魚蝦蟹都有。
北京塡鴨都有。
整番件呢！
食埋甜品生果就飽哂。
食飽出去散吓步。
好似去咗埃及咁。
真嘅唔敢掂，唯有拖隻假囉！
上番車出發去參觀風塔大泥屋。
好快又黎到風塔大泥屋。
呢隻漁船係代表以前當地人係攞魚唯生嘅。
入去參觀吓先。
嘩！嚇得我吖～
大人話要同佢影張合照。
展出當地漁民嘅日常生活。
參觀完風塔大泥屋就去碼頭，登上當地傳統「水上的士 ABRAS」，過對岸行香料市場、黃金街。
上的士喇。
隔離架的士有冇超載呢！
埋咗岸就行去香料市場同黃金街。
Ｄ香料唔啱我，所以直行直過，望吓就算。
黃金街賣嘅唔係足金，飾金Ｄ成色都唔高，我地叫佢做朱二繩。
你睇Ｄ朱二繩幾靚！
金波鞋都有。
逛完黃金街，再坐番水上的士過番去對岸，上番車往全世界最大嘅購物中心商場，順道參觀(外觀）全世界最高嘅摩天大廈「哈利法塔」。
杜拜Ｄ建築物簡直係嘆為觀止。
又見到全世界最高嘅摩天大廈「哈利法塔」喇。
落咗車首先我地行入全世界最大嘅購物中心商場。
行到尾就出去一個音樂噴泉廣場，喺果度觀賞全世界最高嘅摩天大廈「哈利法塔」就係最佳地點喇～
音樂噴泉每隔半小時就噴一次，每次大約五分鐘。
夜晚嘅哈利法塔又有另一種睇法。
又到食晚餐嘅時了間喇，今餐係食中東餐。
導遊同我地影張合照。
呢Ｄ餅好似京菜Ｄ家常餅咁樣，搣開好似個袋咁，然後放Ｄ餸入裏面包住黎食。
呢張係待應同我地影嘅。
呢Ｄ咸杬真係好咸。
炸羊肉球。
牛肉腸。
雞、牛串燒
須然Ｄ食物味道嘛嘛，不過都算幾有特色，乜都試吓囉！
英姐話攞抽提子慢慢食。
唔知係乜嘅甜品。
最尾仲有杯中東茶比我地嘆吓。
食飽飽就喺商場裏面等時間上車往机場。
大姨個樣好似好攰咁喎！
夠鐘上車出机場，寄好行理過埋海關安檢，喺C9呢個閘口等上机。
飛机準時起机，去我地今次嘅旅程第二站「汶萊」。
第四日喺汶萊嘅旅程係點，敬請留意。
