杜拜呢個地方，係阿拉伯聨合酋長國其中一個城市，有好多人都去過，我就抱住人去我去嘅心態就去一次睇吓點；至於汶萊佢係「亞洲首富之國」，界於馬來西亞東部嘅砂勞越同埋沙巴之間，而咁啱又有呢個旅行團，咁我同大人就報名去玩吓囉！
今日乘搭國泰航班直飛杜拜，我地喺中午十二點就喺屋企出發。
上咗机場巴士就直達机場，沿途影吓香港嘅街景。
早幾日有架躉船枝起重臂撞損咗橋底嘅安全電纜，依家仲喺度進行維修緊。
到咗机場去揾Ｄ野食吓先。
食飽就過去40號閘口准備登机。
航班算準時起飛。
食咗兩個餐，睇完兩出戲，話咁快就到咗杜拜。
杜拜當地時間係22:50分(比香港慢四個鐘）。
果度Ｄ海關做野慢吞吞，攪成個幾兩個鐘先至入境出机場。
番到酒店以經半夜十二點半喇。
一攞咗房間就上房冲凉，煲杯靚奶茶嘆吓先瞓，好彩聽日8:30起床，可以瞓晏Ｄ。
杜拜+汶萊六天之旅第二日 30-10-2015
瞓到八點半起身，梳洗好就落餐廳食早餐。
食飽飽未夠鐘開車，咁就四週圍行吓。
上車出發，第一個景點係去Atlantis the Palm酒店內既「Lost Chambers」海底世界同埋「Aquaventure」水上樂園。
話咁快就到咗「Aquaventure」水上樂園。
場館內嘅天花板畫。
大型水族箱。
到此一遊。
行入去換泳衣落水玩吓喇！
我地玩咗一轉2300米長嘅激流旅程，夠哂皮喇，其他Ｄ滑水天梯就米攪我。
沖個靚沖換番衫就過去「Lost Chambers」海底世界，觀賞65000隻海洋生物。
呢度咸淡水魚都有，呢Ｄ係金招財。
呢張蹬得唔得意呀！
水母。
老鼠斑。
油追。
沙鯭。
龍蝦。
大人叫我下次釣呢Ｄ魚食吓喎！
大龍躉。
鬚眉。
睇完魚就出商場行吓。
沙樽畫，我地喺埃及都見過。
喺Atlantis the Palm酒店內既Kaleidoscope餐廳食自助午餐。
食物都幾豐富喎！
先掃一輪海鮮，蝦、蟹、青口等等。
再黎牛扒。
大人都話Ｄ食物唔錯。
去開洗手間見咁有持色，咁就要影番張相喇！
食飽午餐就上車去乘坐沙漠四驅車入沙漠，欣賞沙漠日落美景，抵達沙漠營地，欣賞精彩肚皮舞表演，仲喺果度食埋阿拉伯燒烤晚餐。（呢個係自費節目，每位85蚊美金）
亞特蘭大酒店外觀。
游完水睇完魚都唔記得剪手帶添。
杜拜嘅建築物。
呢Ｄ圓圓地嘅係電氣化鐵路站。
落咗旅遊巴就乘坐沙漠四驅車入沙漠。
入到沙漠，我地落車欣賞沙漠日落美景。
Ｄ沙好鬆好軟，赤住腳行就最好。
風景吸引到平時唔笑嘅大姨都手舞足蹈。
上番車去睇沙漠嘅日落。
沙漠嘅日落好靚呀！
我地Ｄ四驅車追住Ｄ日落，穿梭於起伏不定嘅沙丘之間，好似坐過山車咁緊張刺激。
收咗太陽我地就抵達沙漠營地。
有隻駱駝係度喎，因為「中東呼吸縱合症」嘅陰影底下，都係兜路行遠Ｄ揾陣。
營地用紅地毯歡迎。
揾個靚位，坐定定睇肚皮舞表演，先去攞Ｄ飲品同小食。
肚皮舞表演喇，唔知係米先入為主，此終都係覺得喺埃及睇嘅肚皮舞至正宗同好睇。
儍佬遊客比人捉上去玩。
呢Ｄ就係阿拉伯燒烤晚餐，我覺得嘛嘛地唧！
睇完表演就上車番酒店喇，今日都玩得幾攰吓，沖過涼，嘆埋杯奶茶就瞓覺喇！
敬請留意第三日嘅行程。
沒有留言:
張貼留言