二公主出嫁喇

18-4-2009  (農曆三月廿三)星期六

今日我同大人六點就起床，準備所有野，各方長老齊集到我家，等新郎哥Summer黎我家接新娘。十點準時黎到，六仙女姊妹出動玩新郎，跟住我將二公主交比新郎哥，長輩飲茶，跟住出門。

下午四時，我同大人到旺角朗豪坊酒店七樓宴會廳，準備婚宴。賓客陸續到場，六時舉行註冊婚禮，我做証婚人簽名，九時入席，Ｄ餸菜都好正，招呼冇得彈，過程洋溢喜慶氣氛，我同大人都好開心，到十一點幾送客，十二點幾完成準備咗幾個月嘅婚禮，懷著愉快心情開車反屋企。
Summer同二公主Fiona向我地酙茶後收禮物。

如果想睇更多相片，請移玉步，到我的主頁相簿(二公主出嫁特揖)，就可以將所有相送曬比你地啦！哈哈！