7-3-2016 (第九日)
今日會乘北歐航空班机(螺旋槳)，先飛瑞典斯德哥爾摩，轉机番香港。
早上七點起床，梳洗好，小心執好行理，落餐廳食早餐。
九點上車往立陶宛嘅維爾紐斯机場。
閘口等登机。
等上巴士出停机坪登机。
上机喇，嘩！咁大個仔第一次坐螺旋槳嘅客机，有Ｄ緊張添！
咁好机會影番張相先。
上咗机等起飛。
机身窄窄，每邊兩個坐位，好似巴士咁上吓！
起飛喇，喺條跑道加速衝緊，好緊張呀～
開始飛離跑道喇！
又冇咩點喎，仲好定添。
經一小時十分航程就到咗斯德哥爾摩机場。
都係喺停机坪落机，再上巴士埋机場大樓。
要等兩個幾鐘先至登机，又去免税店行陣。
航班準時起飛，飛行期間食咗兩個餐，睇咗三套戲，經十個小時嘅航程，於8-3-2016早上八點抵達香港，出咗机場，上番机場巴士番屋企喇。
後記:喺今次嘅旅程中，須然氣温喺零度上下，但係又唔覺好凍，食住都算OK，食得飽，Ｄ酒店清潔整齊，床舖乾淨，導遊領隊都唔錯，旅遊巴士夠大，司机安全駕駛，行程他他條條唔駛趕餐懵，今次比佢八十五分喇。
6-3-2016 (第八日)
今日會由拉脫維亞「里加」往今次旅遊最後一站嘅立陶宛「維爾紐斯」，佢呢度都有個（世界文化遺產）古城區，仲有個值得一遊嘅「十字架山」。
朝早六點半起床，梳洗好就落餐廳食早餐。
趁未夠鐘開車，喺酒店前面影吓相先。
跟住上車出發住立陶宛。
今日天氣唔錯喎，湖天一色。
個幾鐘嘅車程就到咗立陶宛喇，我地首先去參觀「十字架山」。
呢度有幅地圖，梗係介紹當地嘅名聖名勝古蹟喇。
有售買遊客紀念品嘅店鋪。
行到入去，嘩！離遠以經望到各有特色嘅大大小小十字架，佈滿咗前面一個小山崗，場面都幾壯觀吓，就算冇宗教信仰，當欣賞工藝都係值得嘅。
行近Ｄ仲精彩，真係何其壯觀呀！
我諗呢Ｄ十字架，都係當地人折屋時，將自已屋內Ｄ十字架全部安放喺度，唔係點會咁多吖。
仲有Ｄ聖像添喎。
Ｄ十字架多到吖，真係犀利！
睇完咁壯觀嘅「十字架山」，我地上番車，繼續往下一個景點「特拉凱城堡歴史博物館」。
經兩個多小時嘅車程，終於黎到特拉凱嘅「特拉凱城堡歴史博物館」，不過我地未去參觀住，先去食個午飯先。
黎到餐廳，入口有個武士喺度把守。
揾個靚位坐吓先。
呢餐係食三文魚餐。
正！好食。
食飽飽就出去行吓先。
喺餐廳果邊望過去，以經見到呢座14世紀末建造嘅湖中城堡，坐立離Galve湖岸邊500米嘅小島上，城堡由紅磚建成，堡內有宫殿、地窂、城塔。
影埋呢幅相就嗱嗱聲上車過去入城堡喇。
落咗車，由岸邊經呢條建於湖中嘅木橋行過去。
Galve湖結咗冰，人可以喺湖面行走。
行哂成條橋就過到黎「特拉凱城堡」。
條護城河都幾闊吓。
有Ｄ中古時代嘅味道喎！
唔講咁多，入去裏面參觀喇。
參觀完咁精彩嘅博物館，上番旅遊巴去下一個景點「聖彼得保羅教堂」。
好快就黎到「聖彼得保羅教堂」參觀。
呢間教堂嘅特色就係呢隻水晶飛龍吊燈喇～
參觀完「聖彼得保羅教堂」，上番車前往參觀「聖安妮教堂」。
個個担高頭睇咩呢！
原來係睇呢個喺教堂建築內嘅（黑面聖母像）。
呢間就係「聖安妮教堂」。
喺佢對面嘅係一間東正教堂。
好少有天主教堂同東正教堂痴得咁埋架，所以值得一睇。
睇完教堂就行過去市政府廣場。
呢度就係市政府廣場喇，今日撞啱係當地嘅節慶，好多攤檔喺度，擺賣出售自己制作嘅物品。
有警察喺度就安全喇。
呢幅牆咁得意嘅。
呢個係國際手號黎架。
行行吓就黎到大教堂廣場。
因立陶宛傳統信奉天主教，所以隨處可見到巴洛式嘅教堂。
呢度就係總統府喇。
行行吓又行番過黎廣場呢邊。
夠鐘就行番去集合地點上車去食晚飯。
好快到咗餐廳，今次係食唐餐。
食飽就番酒店，今日行得好攰，沖過涼，嘆埋杯奶茶就瞓覺喇。
聽日去机塲搭飛機番香港，過程係點，敬請留意！
