北歐波羅的海七國十天蜜月之旅 （第六日）

4-3-2016  (第六日)
喺波羅的海中嘅國家，好多時都係坐船由海路去連系，今次都唔例外，一陣我地會由芬蘭嘅「赫爾新基」，乘坐（持快）郵輪，前往愛沙尼亞嘅「塔林」時間須要兩小時。

早上七時半起床，梳洗好就落餐廳食早餐。

食咗早餐九點上車出發。

 出到碼頭登上（持快）郵輪，由芬蘭嘅「赫爾新基」，前往愛沙尼亞嘅「塔林」時間須要兩小時。

 入到船倉，揾個靚頭位坐低。

 出甲板面影下相先，嗯～咁鬼凍，都係鼠番入船倉揾陣Ｄ。

外面又凍又大風，入番船倉就暖粒粒， 喺度玩吓角子老虎机消磨時間好過。

 好快就由由芬蘭嘅「赫爾新基」，黎到愛沙尼亞嘅「塔林」。

 上咗黎接我地架旅遊巴，先去食中午飯。

 呢度－樣係冰天雪地，一落車就要跴住Ｄ雪喇！

 行咗一陣就黎到今日食中午飯果間餐廳。

 呢餐係食唐餐。

 食飽飯就上車往「卡德里奧皇宮」（愛沙尼亞國家藝術館）。

 十幾分鐘車程就到咗「卡德里奧皇宮」（愛沙尼亞國家藝術館）喇。

一路行入去都係跴住Ｄ雪地，真過引。

 入到去藝術館內都係參觀Ｄ壁畫呀，油畫呀咁囉！

 呢條華籍東北佬係當地導賞員，佢為我地講解當地嘅歷史。

 拿破崙嘅畫像。

 祝大家猴年萬事如意！

 離開愛沙尼亞國家藝術館，徒步行過去參觀「露天音樂廣場」。

 途中見有人堆砌咗個雪人喺度，咁我地就剩机埋去影下相。

 行咗一陣就過到黎「露天音樂廣場」。

 睇完露天音樂廣場上番車往參觀「亞歷山大立斯基教堂」。

 呢座「亞歷山大立斯基教堂」有俄羅斯嘅特色，因為愛沙尼亞都係前蘇聯嘅加盟共和國成員之一。

有人喺教堂舉行婚禮喎！

 參觀完有俄羅斯嘅特色嘅「亞歷山大立斯基教堂」就行出去塔林嘅古城區。

 影低張地圖先，迷路嘅時候有用。

沿途有小攤檔出售當地嘅小食。

 唔講咁多，四週圍逛吓先。

 行咗一輪就去當地一間餐廳食晚飯。

 今餐係食唐餐。

 都係食得飽果隻囉～

 食飽飽就上車番酒店喇。

 等攞房其間，各人又狂揾WiFi。
攞咗房間，出去超市行咗陣就番房冲個凉，嘆埋杯靚奶茶就覺覺豬喇！

聽日會由愛沙尼亞嘅塔林前往拉脫維亞嘅里加，敬請繼續欣賞。