架船由噚日晏畫到今朝，經十九個鐘嘅航程，由丹麥哥本哈根到咗挪威奥斯陸。
喺船上晨早七點半起床，梳洗好就去餐廳食早餐。
窗外岸上嘅景色。
趁架船未泊岸，仲有Ｄ時間就喺架船度週圍逛吓。
夠鐘落船喇！
落咗船梗係要同架船影番張合照嘅。
出咗碼頭就上黎接我地架旅遊巴。
先去參觀挪威民族博物館。
靜靜雞同Ｄ小朋友影幅相先。
到咗目的地見路邊嘅噴泉冇水嘅！可能因冬天會結冰，所以冇水囉～
呢個挪威民族博物館，係世界上最早嘅露天博物館，裏面有好多從第二度移建過黎嘅中世紀木結構教堂、住宅、工作坊、馬廐等等，此外仲有Ｄ十八至十九世紀嘅城市建築，好似舊式嘅加油站呀咁囉。
呢Ｄ就係從第二度移建過黎嘅中世紀木結構教堂、住宅、工作坊、馬廐等等。
參觀完咁有持色嘅博物館之後，意尤未盡，再去參觀維京船博物館，不過呢次就喺室內嘅。
古代嘅維京人以經有咁大架船，唔怪得歐洲Ｄ航海業咁發達喇。
由呢度上一層睇真Ｄ先。
離開維京船博物館，下一站就係去以挪威著名嘅雕塑家「維格蘭」命名嘅維格蘭雕刻公園，裏面有佢畢生嘅心血結晶，主題係同我地息息相關嘅人生，喜怒哀樂，悲歡離合，生老病死，全部活生生咁凝結喺Ｄ花崗岩同埋Ｄ青銅裡面。
落咗車，就由鋪滿雪嘅小道，一路行入去呢個著名嘅維格蘭雕刻公園。
一路上都欣賞到呢Ｄ銅像。
呢個就經典喇，就係名為「忿怒的小孩」，佢同意大利果個「小便的小孩」喺世上齊名。
呢個仲犀利，睇你仲敢唔敢生咁多。
喺背景呢碌野就勁喇，名為「人生柱」，整條柱體雕滿121個人生百態，由下往上，每個人都呈現往上嘅動態，似係掙扎往上成長。
睇完呢Ｄ咁特別嘅雕塑，又係到食中午飯嘅時候。
今餐都係食唐餐。
天氣凍，有碗熱湯飲吓零舍精神嘅。
呢間奥斯陸皇宮大教堂嘅外表好現代吓。
教堂裏面有多幅壁畫。
由教堂望出窗外嘅景色。
管風琴。
喺挪威奥斯陸參觀完最後嘅景點，上番旅遊巴，就直跴去瑞典嘉爾斯特，會喺果度停留一晚。
途中見到結哂冰嘅湖。
經三個多鐘車程就由挪威奥斯陸到咗瑞典嘅嘉爾斯特，首先我地去食晚飯。
今晚嘅晚餐係食中式自助餐。
呢間餐館有Wi-Fi喎，咁就個個都喺度忙於Whats App！
食飽就上車番酒店喇！
今晚入住嘅酒店。
攞好房間，冲個靚涼，嘆番杯靚奶茶，睇陣唔知佢噏乜嘅電視就覺覺豬喇！
聽日會由嘉爾斯持往斯德哥爾摩，乘坐郵輪紝芬蘭赫爾新基，敬請留意。
沒有留言:
張貼留言