北歐波羅的海七國十天蜜月之旅 （第四日）

2-3-2016  (第四日)
噚晚到咗瑞典嘅嘉爾斯特，今日會去斯德哥爾摩。

六點半起床，梳洗好就落餐廳食早餐。

上車出發往斯德哥爾摩。

 路上須然有雪，感覺上都唔係好凍。

 中途停車小休。

 休息咗一陣上車繼續出發。

 經三個多鐘就到咗斯德哥爾摩。

 到咗斯德哥爾摩，首先去食中午飯。

 今餐係食瑞典肉丸餐。

 薯蓉加肉丸，嘛嘛地嘖。

 食飽飽就上番車去參觀斯德哥爾摩嘅「市政廳」。

 呢度就係斯德哥爾摩嘅市政廳喇。

入去參觀吓先。

經過大門，旁邊有售賣紀念品嘅商店。

 入到大廳（藍色大廳），呢度係每年頒發諾貝爾獎得主嘅地方黎架。

 認唔認得呢個，就係諾貝爾嘅銅像標誌。

 我地上樓上嘅「黃金大廳」參觀，頒完諾貝爾獎Ｄ人就會喺度舉行晚會。

 牆壁上用琉璃瓦砌成嘅壁畫。

 參觀完內部就行番出去前面對住海嘅廣場逛逛。

 風景都唔錯喎，影吓相先。

 仲有幾個銅像喺度添。

 參觀完用黎頒諾貝爾獎嘅市政廳，上車去「華沙戰船博物館」。

 導遊話會途經瑞典嘅皇宮，我掛住影相，都唔知邊度係皇宮，可能影咗都未定。

 河中佈滿天鵝同水鴨。

 仲有Ｄ人攞Ｄ乾糧喂Ｄ天鵝同水鴨。

 好快就到咗「華沙戰船博物館」。

 呢隻就係擺放喺博物館內嘅古戰船「華沙號」，喺1628年處女航時，因船上放置嘅重型軍事武器過重，船身失去平衡，航行咗冇奈就即時沉沒，喺1961年先至成功打撈上黎，仲建成博物館比人參觀。

 仲有幾隻比較細Ｄ嘅古戰船。

 船上嘅重炮。

 打撈探測用嘅鉈鏢。

 艦上表面裝飾用嘅物品。

 參觀完行番出華沙戰船博物館外影吓相先。

 上番車導遊話去皇宮睇吓喎，原來依家先至去瑞典皇宮。

 黎到瑞典皇宮喇，一Ｄ都唔起眼嘅！

 門外有位靚靚威武女兵喺度守衛喎！

 問准個靚靚女守衛先至敢叫大人埋去影張相。

係咁意喺瑞典皇宮外面參觀吓就上番車去碼頭。

 我地會乘坐呢架維京號郵輪由瑞典嘅斯德哥爾摩往芬嘅赫爾新基，船程都要十九小時，會喺船上瞓一晚。

 大人同維京號嘅模型影張合照先。

 入碼頭上四樓登船。

 上船嘅時候，船上攝影師同我地影咗張相，經專人製作好賣番比我地留念。

同大人影多張先。

 船開行中，上甲板面逛吓影吓相。

 行到船嘅頂層，吹吓波羅的海嘅海風先。

 部儍瓜机頂唔順咁凍嘅天氣，開始走色喇。

 都係走番入船裏面暖Ｄ，等夠鐘食晚飯。

 今餐都係自助餐，好多肉食，都唔錯架。

呢件牛扒就最正，食咗四件。

食飽飽行咗陣免税店就番房瞓覺覺豬喇！

第五日嘅行程係喺芬蘭，敬請留意。