北歐波羅的海七國十天蜜月之旅 （第七日）

5-3-2016  (第七日)
今日我地會由愛沙尼亞嘅「塔林」，往拉脫維亞嘅「里加」，呢個國家喺未獨立前，亦都係前蘇聯嘅加盟共和國之一，車程大約五小時。

早上七時起床，因為要趕路，我地要喺八時出發，而餐廳喺八點先至有早餐供應，所以唔能夠喺餐廳坐定定食早餐，只好將Ｄ早餐用盒載好，上車慢慢先嘆！

 未到八點以經將Ｄ行理放好上車，跟住就上車出發喇。

 經過差唔多五個鐘嘅車程，終於黎到拉脫維亞嘅「里加」喇！

落咗車就去呢個「里加」嘅中央市集度逛吓，裏分好多個市場，首先我地梗係由買海產嘅檔口睇吓先喇！

 三文魚係當地主要嘅食用魚，Ｄ人買番去都係用黎熟食，因為Ｄ魚唔能夠用黎做剌身囉。

 仲有各式各樣嘅海產供應。

 除咗鮮魚，仲有好多煙燻好嘅魚出售

 鮮魚籽同罐裝魚子，價錢都算便宜。

由中間通道可以通往第二座街市。

 呢座係賣蔬菜生果。

 另外都有Ｄ熟食劏口。

買番個芝蔴大餅食吓先。

 呢Ｄ大燒餅，我地喺新疆同土耳其都食過，熱辣辣，好好味。

 見Ｄ罐頭魚籽咁平，Ｄ老細又開始掃貨喇～

 你睇賣野果位老板娘，睇落果樣兇神惡煞，其實佢唔知幾友善，仲好賣力咁推銷佢嘅貨品添，大多數北歐人面上都係木無表情架。

 行番出外面就見到一座座相連嘅街市喇。

 行完市集上車去食午餐喇。

 間餐廳就喺我地一陣要遊覽嘅（世界文化遺產）里加舊城區裏面。

 今餐係食西餐。

 件豬扒好味道，一Ｄ都唔鞋，讚！

 食飽飽就出去遊覽吓呢個舊城區。

 區內地上鋪滿古石，窄巷于廻曲折。

古老賣酒車，旁邊有座位，客人可以坐喺上面慢慢嘆番杯美酒。

 地上有塊銅板，上面刻咗Ｄ唔知咩喺度。

 歌劇院。

 呢度係市政廣場。

 有兩個軍人喺紀念碑前把守。

 落河邊行吓先。

 又見到好多滋補嘅水鴨。

 廣告牌，大人埋去攪攪震。

呢座係聖彼得教堂。

又有新人喺度舉行婚禮。

 三兄弟屋。

行到又攰又凍，入麥記坐吓，順便去埋廁所，我地同幾個團友喺裏面坐到夠鐘先上車番酒店。

 呢間係我地今晚入住嘅酒店喇！

 各人喺酒店大堂等攞房間。

 房間都唔錯。

 房間窗外嘅風景，一望無際。

 放低Ｄ行理，時間尚早，洗過面就約埋Ｄ團友出去行街街。

行到夠鐘就番酒店食晚餐，今餐係自助餐。

食飽大家就天南地北咁傾到成八點幾先各自番房休息，我就例牌要嘆埋杯靚奶茶先瞓。
聽日會由拉脱維亞「里拉」，往另外一個國家立陶宛嘅「維爾紐斯」，敬請留意。