北歐波羅的海七國十天蜜月之旅 （第五日）

3-3-2016  (第五日)
噚晚由瑞典嘅斯德哥爾摩乘坐郵輪，經十八個多鐘頭嘅航程，喺船上瞓咗一晚，今早以經抵達芬蘭嘅赫爾新基。

早上瞓到自然醒，精神爽利，梳洗好就上餐廳食個自助早餐。

食過早餐， 離上岸仲有Ｄ時間，咁我地就出船外逛吓。

 大人同佢Ｄ老友喺船嘅梯間合照。

 準備落船喇，我地實排頭位，費事喺後面同人壁。

 船上跳板一開，我第一個落船。

 落咗船，見番船邊嘅海，全部都係冰塊。

出咗碼頭，等黎接我地架旅遊巴。

 上咗黎接我地架旅遊巴，第一個景點係赫爾新基嘅「東正教教堂」。

 行人路上Ｄ雪多到要用摌車清理。

 到咗東正教堂，我地落車參觀。

 行入教堂裏面睇吓先，一般喇，都冇乜特別啫。

參觀完東正教堂，上車往碼頭，乘破冰船往位於赫爾新基嘅離島「芬蘭堡」遊覽。

 趁導遊去買船飛，我地乘机喺碼頭附近逛吓先。

 喺我地身後面果隻船，就係一陣載我地過芬蘭堡果隻「破冰船」喇～

 都唔知呢枝係咩紀念碑，乜都影一餐。

個海真係全部鋪滿厚厚嘅冰塊喎！

 遊客區，售賣旅遊紀念品嘅攤檔梗唔少得喇！

 冇帶竿添，如果唔係就釣陣碼頭魚喇～

 大人話：「你唔係話掛竿咩」！

 我：「噢」.........

 海裏面嘅冰塊就黎堆到上岸喇。

 買咗飛就排隊上船。

 隻船航行中，我地隱約聽到海中嘅冰塊碰落船身時，發出嘅碰撞聲。

 上咗岸，就一路行去砲台嘅位置。

 經過城堡嘅拱門，正式進入堡壘砲台嘅位置。

 嘩！呢兩碌砲都幾勁喎，想當年敵人想由水路攻入赫爾新基都幾難。

遊覽完芬蘭堡就坐船番對岸。

 嗯～呢隻米係我地噚日乘搭由斯德哥爾摩黎赫爾新基果架維京號郵輪囉！

 上番對岸，開始肚餓，嗱嗱聲上車去餐廳食中午飯先。

 今次係西餐，食有芬蘭特式嘅馴鹿餐。

 坐定定等食。

 今日係我同大人值得紀念嘅日子，各位飲杯！

 薯蓉墊底，面頭嘅係鹿肉，口感唔錯，幾好咁喇。

 食飽飽上番車往赫爾新基教堂參觀。

 教堂前嘅廣場都幾大喎。

要走十幾廿級階梯先至上到教堂正門。

 入去教堂裏面睇吓先。

 裏面唔係好大，但整齊清新。

 出番教堂影吓外圍好過。

 參觀完教堂，上車往天文台公園逛逛。

 到咗天文台公園，滿地白雪，人人都開心到不得了。

 Ｄ小朋友就玩到癲哂。

 逛完天文台公園就上車往「石中教堂」參觀。

 影吓赫爾新基嘅街景先。

 好快又黎到「石中教堂」喇。

 教堂外面一樣都有好多旅遊紀念品商店。

 呢間「石中教堂」建於石崖之內，採用最新穎嘅設計，係1969年建築師設計嘅代表作。

 天然嘅採光技術，可以慳番好多電費，仲好環保添。

 巨形木管風琴。

 參觀完「石中教堂」上車往參觀「西布里斯紀念碑」。

 好快就黎到「西布里斯紀念碑」，落車踏住雪路行入去

 導遊講果陣掛住影相，呢度我諗都係紀念Ｄ藝術家之類嘅野掛！

 一大扎金屬管。

 連呢個「西布里斯」嘅人頭像都係金屬做嘅。

小朋友玩得好開心。

跟住就去埋附近嘅「奧林匹克運動場」參觀。

芬蘭赫爾新基曾經喺1952年主辦過奧林匹克運動會，當時嘅開幕場館就係呢度喇。

可惜今日場館大修，要到2017年先至再開放，咁我地唯有等出年再黎過喇！

 行咗咁多路，肚仔又開始餓喇，去食晚飯喇，今餐係食唐餐，飲杯！

 Ｄ餸菜都唔錯，碟碟都清哂。

 跟住就番酒店喇。

 今晚入住嘅酒店。

等攞房間時，香港客嘅自然反應，人人都狂上WiFi。

 有部錄像放影机喺大堂添喎！

 攞咗房間，即係拎哂Ｄ义電器出黎，同相机、手机充番Ｄ電，跟住煲碗靚麵，嘆杯靚奶茶先。

 冲好凉，睇陣唔知佢噏乜嘅電視就覺覺豬喇！

第六日嘅行程，係正式入波羅的海三國嘅第一國家「愛沙尼亞」，各位敬請留意。