日本東京富士山五天自駕遊 (第三日)

今日會到國際名牌OUTLET逛吓；築地魚市場；參觀國營海濱公園，觀賞藍色花海。

28-4-2018 (第三日)
七時起床，到酒店餐廳食早餐。

對住富士山黎食早餐，你都米話唔爽。

食飽飽就出發去國際名牌OUTLET逛吓。

 OUTLET個停車場對住富士山，加上天朗氣清，真係靚絕。

 入到OUTLET裏面，街道上都可以清晰見到富士山。

 週圍逛逛睇有冇啱心水嘅野。

 大人有收獲。

 逛完OUTLET，去築地魚市場參觀。

 架車泊喺築地魚市場附近嘅錶位。

 「築地魚市場」分有多座出售海鮮嘅聯營公司，似海鮮欄多Ｄ。

 客人喺地下店舖選購咗海鮮，可以到三樓交比餐廳整好比客人食用。

 又到第二座魚市場參觀。

 本來諗住喺度買Ｄ海產食吓，不過又要趕去「國營海濱公園」睇藍色花海，所以參觀吓就算喇。

 呢度先至正式係「築地魚市場」嘅海產拍賣埸地，但係要未天光就要黎到參觀，依家衰裏面Ｄ欄都收哂檔喇。

 堅硬如鐵嘅「鰹魚」。

 「鰹魚」都分好多等級。

 我選購好一枝交比店員，將堅硬如鐵嘅「鰹魚」用機器鑤成薄片，呢包半公斤，有排食。

 呢度幾條街都係售賣海產嘅店鋪。

 見呢間牛丼餐廳唔駛等位，嗱嗱聲入去食午飯先。

 我地求其叫Ｄ野食。

 嗱嗱聲食飽就去睇花喇。

 四點幾趕到黎「國營海濱公園」，因為公園五點半關門，所以得番一個鐘遊覽。

 到此一遊。

 一路行一路影相。

 開始見到Ｄ藍色花喇。

 油菜花田。

 藍色花海越黎越大片。

 有片紅色花海順便影埋佢。

 行入Ｄ開始見到整個山丘都係藍色。

 萬藍叢中一點紅。

 有冇人知呢種係咩花呢。

 一路向山丘頂行上去。

 又攪攪震，響鐘祈福。

 大人：仲喺度攪攪震喎，快Ｄ過黎影相喇！
我：係嘅係嘅～

 整個山丘都係藍色。

 海濱公園，背景真係海黎架。

 介紹呢種藍色花，日文佢識我，我唔識佢。

 開始有工作人員好有禮貌咁通知遊客快要清場喇！

 老虎都影多幾幅先。

  一路行番落山。

 經過呢度見到Ｄ藤棚花喎，好靚。

 烏鴉知道遊客離場，即刻飛落黎揾食。

 一路行番出大門口。

 ？？？

喺大門口影埋到此一遊就離場，個招牌連日期都改定聽日。

 幫人影相比人偷影添。

 離開「國營海濱公園」番停車場攞車。

 行人路兩旁晚杜鵑花都開得十分燦爛。

 往「川崎」途中油站加油。

 到咗川崎市入住市區嘅酒店，房間細細。

 放低Ｄ行理，洗過手面就落街食晚餐，大人話要食湯麵，呢間餐廳喺酒店一行出黎就見到，等一陣就有位喇。

 义燒味噌湯麵、炒飯、煎餃子、炒雜菜。

 豚骨燶湯叉燒麵。

 竹筍叉燒麵。

 嚓喇喂～

 食飽飽去逛陣街。

 研究吓日本鐵路覆雜嘅路線圖。

 行咗一陣就番酒店。

 番到酒店，劏埋噚日買果個有12度甜嘅蜜瓜。

 睇到都甜到咳。 

四人前啱啱好。

 冲好涼嘆番杯靚奶茶，上陣網就瞓覺喇。