釣金鼓技術開始掌握到喇

經過一連十幾晚釣金鼓，除咗頭一兩次〝高人〞指點咗魚嘅食餌動作之後，一路都係靠自己嘅摸索，經過咗雷電交加、橫風橫雨、大流屎流、到依家已經掌握到釣佢嘅「技巧」喇。

以下係小弟釣金鼓嘅小小心得，希望同各位大師分享：其實所謂「技巧」好簡單，只不過係用幾多號鈎，粒麵包餌嘅鈎法同鬆實度！

首先講鈎先，初初我用三號鈎，以為夠細喇，除咗有幾條較大嘅食埋黎有搶餌嘅感覺之外，其他較小嘅都係(符碌)抽中，完全冇把握抽中佢，後尾我轉用一號鈎，搶餌嘅動作就明顯喇，每次都等條魚拉竿頭或者枝竿頭彈起果吓就抽竿，十拿九揾。

上述如有差錯，敬請各路英雄多多賜教!!

首先送上一碟果皮蒸金鼓比大家分享，以示敬意！

11-6-29 (農曆五月廿八)

全部都係呢Ｄ晒士。

11-6-30 (農曆五月廿九)

中第三條果時因為入咗扣，換鈎時先發覺冇帶鈎，所以釣得三條就收檔。

11-7-1(農曆六月初一)

己掌握到釣金鼓嘅枝巧喇！

金鼓越釣越熱

橫掂冇鱸釣，沉底又望天打掛，既然金鼓當做，所以每次都係以佢為對像魚，不過我釣金鼓嘅技術，只係喺幼兒班皆段，一晚有幾十口食埋尼，但都係收穫平平，咁先至攞命，使到我要繼續努力鑽研先至得喇。

20-6-2011  (農曆五月十九)

太陽未收，本來一心釣金鼓嘅，但係Ｄ泥鯭埋黎搶餌，未到金鼓層就比佢將Ｄ餌化哂，谷鬼氣釣埋佢囉。

21-6-2011  (農曆五月二十)

成晚係咁抽竿，都係中得一條，好彩執番幾條橫澤補數。

24-6-2011  (農曆五月廿三)

Ｄ金鼓大少少，食餌嘅動作就較為明顯Ｄ，中呢三條都係睇到竿先微微咁拉落去，或者托起粒餌我先抽竿嘅。

27-6-2011  (農曆五月廿六)

卒之比我真係中番條大金鼓喇，呢次食餌更加明顯，直情見到拉竿，我一抽就中，以經心知大野，好小心咁攪吓就吓，佢就係咁搏命片，係咁極速打轉，我就盡快將佢升水，搏閗時間唔使四十秒，梗係撈箕上水喇。番到屋企，開心得制，嘈醒咗大人，咁就順便叫佢同我影番張相。

睇佢咁大餅，過秤其實都係得斤六兩。

細條果Ｄ食得又精又輕，要開住頭燈，睇住竿頭先知佢食餌，大果條食餌就明顯喇！

今晚嘅收穫都算唔錯喇。

閉關苦練，略有所成

近排冇出過釣魚卜，唔係我冇釣魚，只不過係學緊釣「金鼓」啫，第一次試釣果時，點樣掛餌，放幾深水，佢食餌嘅動態，都完全掌握唔到，卒之『龜咗』！第二次試釣，經【高人】指點，略知一二，但係幾時抽竿，就要靠自己嘅感覺喇。

15-6-2011  (農曆五月十四)  第二回

「小金鼓」食餌比「泥鯭」仲要輕口，幾時抽竿都形未掌握得到，次次見到竿頭郁郁吓就抽竿，釣到呢兩條都係『符碌』。

16-6-2011  (農曆五月十五)  第三回

卒之比我中番條比較似樣Ｄ嘅磅頭「金鼓」喇！大條Ｄ食餌就比較明顯，佢一食埋黎我就知係「金鼓」喇，竿頭明顯拉咗幾吓，跟住就見枝竿頭彈番起，我立即諗番起之前嘅【高人】講過:「大金鼓」食餌係托起黎食架」!!我見咁嘅情況，就即刻抽竿！中呀.....都有幾分力水，我就連攪咗幾吓，因為用直攪，行程比橫攪快，所以好快就見魚喇，喺漆黑嘅水中，只見一塊圓形嘅銀影，喺度高速打圈，我唔敢夾梗黎，所以就一就佢，再攪幾吓，跟住就上到水面，見有Ｄ斤両就不容有失，用撈箕上水。好得意喎，條魚上咗水就郁都唔郁過喎，不過我都好小心，(因為佢Ｄ刺有毒，如果比佢拮到，起碼劇痛幾個鐘)！跟手放落生籠，再落餌釣多陣，見冇乜魚訊就收野走人喇！

釣到呢條磅頭「金鼓」，仲開心過釣條十斤「鱸」呀，因為係我第一次釣到條大ＤＤ嘅「金鼓」。

第二日即刻蒸咗黎食，激發自己嘅「金鼓」熱。

大人同三公主都話好正。

17-6-2011 (農曆五月十六) 第四回
可能以經掌握到少少釣金古嘅皮毛技巧，所以今次嘅收獲都幾滿意，喺呢個「鱸魚亅走咗，「烏頭」又未到嘅時刻，由今年起，「金古」就係我喺呢段時間嘅對象魚喇。

須然釣到好夜，都無減我興奮嘅心情。

主打金古。

季尾肥花鱸

19-5-2011  (農曆四月十七)   

和暖東風噚日去完旅行番黎，今日即刻就去

主場釣番轉，師傅偉唔得閒，我今晚要唱獨

腳戲。落街市執廿蚊蝦，嘩!!依家乜鬼野都

貴，Ｄ基因蝦都賣到44蚊斤！

18:30落到主場，今次得我一個人釣，所以剩

係開兩枝竿，一枝沉底搏符碌，一枝半水，

有乜釣乜。

一路都冇魚訊，只有蟹訊，到22:30半水枝竿

頭一彎，我就即刻攞起枝竿，跟住食得好鬼輕

力，我輕輕一帶，條鱸就想發力，我順勢一

抽，連攪八九吓，佢亦都唔係弱者，即刻開

尾發圍，我點都要就就佢嘅，如是者三四個

回合，條鱸就上到水面反肚，跟住撈箕上水

落生扣自己一腳踢。再落餌釣多陣就執埋Ｄ

架生走人，去宵喇喂！

係唔係今季嘅最尾一條呢.

季尾鱸最肥美.

(農曆四月十七)七斤花鱸.74cm

去南丫煤橋揾老友

6-5-2011  (農曆四月初四)   

今晚又同「高橋雪也」去南丫煤橋癲番晚，

佢今次上五樁，我就依然上大樁。

六點半鐘上到去我就又係開兩枝竿沉底搏符

碌，一枝十零呎半水釣鱸。第一口餌放落

去，枝竿頭就郁喇，幣!!撈箕擺咗喺另一邊，

攞得撈箕，隻餃以經〝咧咧〞聲出線，到我

執起枝竿，條魚已經開尾，頂咗兩三個回

合，輕晒~斷線收場！嗱嗱聲將搏鬥時整花

咗果Ｄ線剪除，挷過鈎再落餌，唔夠一分鐘

又黎料，呢次我恰到佢實，梗係冇得走喇，

三兩吓就撈箕上水，條花鱸四斤倒喇！果時

都係七點幾，點知又係一條到尾，沉底果兩

枝郁都未郁過，到深夜點半鐘，執野準備走

人，枝竿又響鉸，拉得隻蝦咁行，我就以為

中咗，順勢一揪，再攪幾野，感覺咁輕嘅，

收上黎睇，隻蝦比條鱸咬屎咗，望吓個錶，

仲有十幾分鐘黎接我地架艇先至到，好!!釣多

口餌先，跟住都係水靜河飛！卒之屎屎氣清

理好釣場，執野走人，埋香港仔宵夜！

送咗高橋番北角，自已番到屋企都成四點

囉！

向目的地進發。

娛樂不忘工作。

都係鱸鱸夠老友。(自拍)

中三口得一條都唔錯吖。

坐喺度冇勿世藝，影吓相好過。

番到屋企準備劏魚。

八號粗碳線做Ｄ大花鱸世界

4-5-2011  (農曆四月初二)  和緩東北風

噚日本來約咗同「高橋」去南丫玩番轉，點知比〝癲人臺〞老點，又話有大雷暴，又話有大東北，攪到霖時取消唔敢去，卒之成晚喺屋企張梳化度坐定定，好似傻佬咁變咗化石！

今日晏畫三點同大人落上環開茶會，五點半番到屋企，嗱嗱聲攞起Ｄ架生，跟住落街市執廿蚊虾就飛車落主場搏殺。

18:30一落到去就開兩枝竿，一枝沉底，一枝半水，放落去唔夠十分鐘，半水枝竿就響鉸喇，竿頭一彎落去我就使勁一抽，收吓放吓兩三回合就見魚，撈箕上水，人魚大戰唔使分半鐘就結速，落好生扣一腳踢！跟住繼續釣，心諗咁早中魚，今晚起碼有多條掛，點之釣到22:30轉埋流都冇魚訊，都係一條到尾。磨到23:15跟住執野走人！經過太X樓，停車行去肥婆度買兩碗車仔麵番屋企，同大人消夜喇喂！

其實次次有一條比我釣到已經好開心架喇。

呢條都唔細架，仲係好肥美添！

大人同我影相，梗係擺個型甫士喇~

花鱸 : 重六斤。
長70cm(27吋半)。

早輪有位「釣界大師」覺得小弟用咁粗線黎釣魚，冇咗幼線釣大魚果種手感同挑戰性。但係我覺得Ｄ鱸又唔係幼線先至得食Ｄ，點解要用幼線呢，佢係米想証明Ｄ乜呢！可能小弟仲未到果個景界~其實用粗線先至有得同Ｄ大魚玩吓，上到尼先至係釣到，上唔到尼就講乜都冇用。
前排見有大師傅艇釣手繩，用二號線上10斤黃立倉嘅精彩片段，証明水底冇樁冇柱，用幾幼線都得，玩幾奈都得，收放幾遠都得。但如果附近樁柱多，條魚打橫一飛已經冇得過手引喇；如果魚多嘅時候仲可以話斷幾多條都冇所謂，冇話口口都斷掛，實有Ｄ唔好彩比你釣到上黎，但當你喺〝兩三晚〞先至有一口食埋黎嘅情況，你又會唔會用二號線呢！如果堅持用嘅話，好有可能只係過兩秒手引，之後又要再等三兩晚先有得再過引個喎。

所以每個釣場，每個釣況，怎至符每個人都係一定唔同嘅，各師各法，唔會千篇一律，呢Ｄ就係釣者尋求嘅樂趣喇。

花鱸又有今年新記錄喇

1-5-2011  (農曆三月廿九)  大霧一陣陣

今日五點幾，師傅偉來電問我落唔落去釣

魚，如果落就唔使買餌！咁我橫惦冇街去，

就執埋Ｄ架生直跴主場。

七點落到去，佢就喺橋底釣緊，仲有一個釣

友(磅友其)喺度手繩釣狗公，我就搬Ｄ架生

去墩頭搏吓喇！都係開兩枝竿，一枝沉底，

一枝半水，一路都係落緊流，呢個時候，師

傅偉上番黎話啱啱斷咗口，我就叫佢努力

喇！

跟住一路都再冇動靜，到咗九點，師傅偉話

好肚餓要走先，咁佢就同磅友其去食飯，得

我一條冷喺度磨。又到十點半喇，其間特然

好大霧，海面Ｄ船都睇唔到，過咗一陣Ｄ霧

又散囉喎，咁我就諗住執野走人，呢頭起

身，果頭就見枝半水竿枝竿頭彎咗兩野，我

就即刻執起枝竿，感覺條魚已經發力，我順

勢用力一抽，好結實咁攪咗五六吓，條魚又

發力，局住比幾呎佢走吓，係咁攪吓放吓都

四五次，其間條魚仲飛出水面想洗鰓，足足

兩三分鐘我氣都嗦埋，手都開始冇力，最後

我深深吸啖氣，將枝竿往上一頂，一帶順就

使出絕招「無敵風火輪」，連攪十幾吓，一

野都唔放鬆，卒之條魚浮上水面，我左手揪

住枝竿，右手快速落撈箕，一野就張條魚上

咗黎，嘩!!唔怪之得咁鬼好力喇，條魚起碼有

十斤。望吓個錶，成十一點喇，都係執野走

嘅時候囉，夜都唔宵就直跴番屋企。

番到屋企，叫大人同我影幅靚相先。

攪到我嗦哂氣吖嗱，一陣先劏你。

2011年嘅花鱸新記錄

重量:十斤三両

長度34吋＝88cm