食咗晚飯，又落主場玩吓，今次我唔使買蝦，因為師傅偉一早來電，話以經買咗餌，叫我直落去就得咯喎！
18:20落到去以經見師傅偉喺度釣緊，Ｄ流仲係好急吓，咁我就去埋便Ｄ躉頭釣吓，睇有冇符碌先！釣咗一陣，特然聽到師傅偉大叫撈箕，原來佢中咗條起碼六斤嘅鱸，但係條魚線又比Ｄ棚架鐵網勾住，好彩以經見魚，我就速落撈箕，喺棚面將條魚撈起，跟住解勾落生扣一腳踢。
又过咗一陣，見Ｄ流慢咗，即刻搬出橋面搏殺；一出去落餌唔夠三分鐘，睇住枝竿彎咗兩吓，即刻拎起枝竿，一抽就中，今次輪到我中魚喇，感覺都幾大條吓，一路係咁攪都冇停過喎，直至見光佢先鐘咗一吓水，咁順灘嘅，可能Ｄ水凍都未定，條魚都冇乜反抗就比師傅偉同我撈咗上黎，又落埋生扣，我就落餌繼續！
又釣咗一陣，Ｄ霧又大咗囉喎，仲好似有少少雨粉添，望吓個錶，咁快又十點嗱，既然兩個人都有魚中，都係齊齊執埋Ｄ架生去宵夜好過，霖走果時仲比咗一條鱸比奉場客，跟住我地就開車走人喇！
番到屋企，嘈醒咗大人添，仲同我影相，佢話條花鱸好似魚雷咁樣喎！
又一條五六斤嘅花鱸
花鱸五斤十二73Cm
沒有留言:
張貼留言