伊朗十天之旅 (第三日)

今日我地會由「德黑蘭」往「卡尚」，途中參觀伊朗精神領袖霍梅尼陵墓、費恩國王庭園、布魯杰爾廸古宅，之後再往「伊斯法罕」，入住當地昔日駱駝商旅嘅譯站，Abbasi Hotel。

2-12-2018  (第三日)
6:30起床，7:00食早餐。

 喺度住咗兩晚，臨走喺酒店外影番幾幅相先。

 離開酒店由德黑蘭往卡尚，中途會參觀伊朗精神領袖「霍梅尼陵墓」。

 好快就到咗伊朗精神領袖「霍梅尼陵墓」喇。

 「霍梅尼陵墓」氣派莊嚴，四座叫拜塔，不愧為伊朗嘅精神領袖。

 當地伊朗人好樂意主動咁同我地合照。

 附近有清真牧斯林餐廳。

 上車繼續往卡尚。

 到咗卡尚先去食中午餐。

 今餐係自助午餐，有沙律、燒雞、烤羊肉串、牛肉、魚等等。

 都係食得飽果隻喇！

 製造玫瑰花油嘅蒸餾爐。

 食飽上車前往參觀「費恩國王庭園」。

 到咗「費恩國王庭園」。

 售賣紀念品嘅商店。

 卡尚得天獨厚，地下水源充足，係沙漠上嘅綠洲；「費恩國王庭園」已經有八百幾年歷史，園內有好多天然噴泉，係一個典型波斯庭園設計。

 屋前有大水池先至顯得主人家有財有勢。

 流水源源不絕從引水道流往各處。

 當然噴水池係唔少得。

 地下泉水不斷湧出。

 四圍逛吓先。

每日多次拜神祈禱嘅地方。

 夠鐘行番出去集合地點。

 集合點有店舖，女仕們梗係要入內血拼一番。

 上車往下一景點「布魯杰爾廸古宅」。

 「布魯杰爾廸古宅」係以前當地一個富商嘅大宅。

 都冇咩特別吖，一塲黎到，四圍逛吓囉！

 屋前大水池。

 陽光照射出黎水池中嘅倒影又唔錯喎。

屋內就平平無奇。

 趁仲有Ｄ陽光，拍多幾張先。

 上二樓睇吓。

 伊朗人真係熱情好客，請咗大人同佢合照。

 不如齊齊影番張喇。

 太陽落咗山，水池倒影即時失色。

 由呢度一路行番出大宅。

呢個咩黎嘅呢，影張相先。

 買玫瑰花茶，一美元一包，抵呀！你又買時佢又買。

  

 大人都買番包。

 買完玫瑰花茶上番車，由卡尚往伊斯法罕。

 經三個鐘頭黎到伊斯法罕都以經天黑喇。

 一到伊斯法罕先番酒店。

 呢間好有特色嘅酒店，係當地昔日駱駝商旅嘅譯站，Abbasi Hotel，我地會喺度住三晚。

 酒店花園內種滿柿樹。

  我地先番房間，放低Ｄ行理，洗個手面，休息一陣先至去食晚餐。

 喺酒店大堂找換店唱定Ｄ伊朗幣，十美圓對一百一十萬伊朗幣。

 大人話：「哈哈～我好似土豪咁，揸住百幾萬黎駛」！

 到餐廳食晚餐，待應同我地影張大合照；今餐係食燒雞肉餐。

 飲番杯冇酒精成份嘅啤酒，祝以下落黎嘅行程愉快。

 羅宋湯。

 燒雞肉佩藏紅花飯。

 雞肉鞋咗Ｄ，味道算唔錯。

 唔講咁多，嚓喇喂～

 最經典係呢個甜品（藏紅花雪糕），大人話Ｄ味道好似「鸚鵡牌牙痛水」咁嘅味喎！

 食飽飽番房冲凉，嘆埋杯奶茶，上陣WhatsApp就瞓覺喇。