伊朗十天之旅 (第七日)

今日會由「亞茲德」往「設拉子」；行程有:帕薩爾高德嘅居魯士二世陵墓、加謙汗城、雅基爾市集、地壇專門店。

6-12-2018  (第七日)
06:30起床，梳洗好就去餐廳食早餐。

 自制三文治，清清地，更開胃。

 食飽飽番房執好行理準備出發，見仲有Ｄ時間就出房間外嘅大露台睇風景。

 我地唔止間房勁大，噚日都講過足成千呎，點知連露台都係十分之大。

 落大堂集合等上旅遊巴。

 上車出發由「亞茲德」往「設拉子」。

 「亞茲德」往「設拉子」沿途風景。

 由「亞茲德」往「設拉子」途中停服務區小休。

 經四個鐘嘅車程由「亞茲德」到咗「設拉子」，首先去食個午餐。

 有Ｄ團友坐車坐到儍哂，我同大人身經百戰，三幾個鐘車程，濕濕碎喇！

 今餐係自助餐。

 食物品種唔多，最食得吓嘅係燒雞翼。

  啤酒汽水唔少得。

食咗午餐就去參觀帕薩爾高德嘅「居魯士二世陵墓」，景點喺附近，唔駛坐車，行過去就得，食飽散下步都好嘅。

 呢幾條細路，揸住架電單車埋黎話要同我合照，仲話載我去景點喎，佢架爛鬼電單車載緊三個人，我坐埋上去肯定PK，米攪！

入咗景區立刻莊嚴肅穆，充滿宗教氣氛；「帕薩爾高德」由居魯士大帝創建，係波斯阿契美尼德帝國第一個首都；擁有2500年歷史嘅「帕薩爾高德遺跡」，範圍有1.6平方公里。

 背景就係「居魯士二世陵墓」。

 「帕薩爾高德遺跡」嘅範圍有1.6平方公里，坐落喺附近山丘上嘅堡疊同兩座皇宮與花園遺址，包括埋呢座「居魯士二世陵墓」。

 遊覽完「帕薩爾高德遺跡」，上車往「加謙汗城」。

  「加謙汗城」，都係以前打完扙Ｄ軍隊凱旋番黎進城嘅城嘅地方。

「加謙汗城」比黃昏嘅陽光照射得更加有氣勢。

 參觀完「加謙汗城」，跟住就行過去「雅基爾市集」，係設拉子最大嘅市集。

 伊朗個個市集都係差唔多，冇乜驚喜，當入去趁吓熱鬧囉！

 地壇專門店。

晚上「雅基爾市集」依然興旺。

似乎越夜越多人喎。

又比當地人請合照。

今夜燈光燦爛，點可以唔影多幾幅吖！

呢條巷仔Ｄ燈光會變唔同嘅顏色。

喺市集買咗多少手信，夠鍾就到集合點，等齊人就番酒店。

呢間酒店我地會喺度住兩晚。

番到酒店，攞咗房間放好行理，洗過手面，休息一陣就上24樓餐廳食晚餐。

揾咗位坐低啤啤佢先。

野食方面都算係咁喇。

今日都行得幾攰吓，冲個凉，嘆番杯靚奶茶，上番陣WhatsApp就瞓覺喇。