伊朗十天之旅 (第四日)

今日嘅行程有搖擺宣禮塔、地壇專門店，白鴿塔、旺克大教堂及博物館、八重天宮、日與夜遊三十三孔橋、哈鳩橋。

3-12-2018  (第四日）
07:00起床，梳洗好就去餐廳食早餐。

 食飽飽就喺酒店內逛吓。

 酒店內嘅花園種滿柿樹。

 酒店花園都幾大吓喎。

 夠鐘上車出發去參觀「搖擺宣禮塔」。

 呢間清真寺嘅兩座宣禮塔，有佢獨特嘅建築方法，一名宣禮人員登上塔頂用力擺動搖晃，兩座宣禮塔就同時間擺動，掛喺塔外面嘅吊鐘都齊齊鈴鈴聲響，所以命名為「搖擺宣禮塔」。

 玳瑁花貓都喺度欣賞兩座宣禮塔同時間擺動，掛喺塔外面嘅吊鐘都齊齊鈴鈴聲響。

參觀完建築咁獨特嘅「搖擺宣禮塔」，上車往「地壇專門店」。

 須然「地壇專門店」對我黎講係最悶嘅景點，不過都比面即管坐低睇吓囉。

 香港人點會買地壇至得架。

去完「地壇專門店」就去下一景點「白鴿塔」。

呢個好似鐘形嘅建築物，就係「白鴿塔」喇。

由底到頂都有兩三層。

牆上佈滿方形洞，比鴿子作為棲息地，跟據導遊所講，每天都有約六百隻鴿子飛番黎喺呢度定居。

出門口影吓相。

參觀完「白鴿塔」就去食中午餐。

坐定定等開餐。

餐廳特色吊燈。

啤啤佢先。

名牌餐廳。

今日食意大利餐，有pizza同意粉。

羅宋湯。

有我至愛嘅白汁雞皇意粉。

飲杯。

pizza兩款，葷素都有。

冇肉素pizza。

有肉葷pizza。

焗薯。

醬汁。

甜品。

唔錯唔錯！

食飽飽就去「旺克大教堂博物館」參觀。

「旺克大教堂博物館」，係喺伊朗少有嘅東正教堂，喺薩非王朝時，為咗收留遷徙移到呢度嘅阿美尼亞人，並且容許佢地建教堂同埋繼續佢地嘅宗教信仰；依家喺裏面仲成為博物館添。

「旺克大教堂博物館」內藏有好多古物，著名嘅有刻上重要經文嘅頭髮絲，要用顯微鏡至睇得到；仲有世上最細小嘅可蘭經書，大約只有一塊指甲咁上下大。

慢慢細心欣賞。

世上最細小嘅可蘭經書，大約只有一塊指甲咁上下大。

參觀完「旺克大教堂博物館」，上番車去參觀 「八重天宮」。

落咗車，經過茂密嘅樹林大道就到咗「八重天宮」。

「八重天宮」係古時帝皇衆多妃嬪當中，其中八個最得帝皇歡心嘅妃嬪先至可以喺度住架。

屋前梗有嘅大水池。

深秋園庭嘅楓樹都變哂黃色。

入「八重天宮」裏面參觀吓先。

圓拱形屋頂。

鑲滿燦爛奪目嘅琉璃寶石。

出「八重天宮」外行吓。

邊度駛專登去影黃葉呀，呢度米有囉！

行行吓就由「八重天宮」行到過黎「三十三孔橋」喎。

顧名思義「三十三孔橋」即係有三十三個橋躉囉，亦都係伊朗最古老嘅石橋，喺伊斯法罕中嘅11座橋樑之一，於1602年建造，佢係雙層結構，共有33個拱。

河水乾涸，遊人可以喺河道上散步。

「三十三孔橋」以當年嘅建橋技術，都算係超級工程喇。

呢幾個伊朗青年又話想同我合照。

我地上番橋面行吓。

參觀完「三十三孔橋」就步行過去「哈鳩橋」。

「哈鳩橋」亦都係伊朗四大古橋之一。

「哈鳩橋」同「三十三孔橋」都相似，只係橋身短好多。

團友話呢度係秘景喎，影出黎嘅相特別靚。

參觀完「哈鳩橋」就去食晚餐喇。

坐定定等飯食。

羅宋湯。

今餐係食燒羊架。

啱哂我食囉。

甜品。

食飽飽就行番過去「三十三孔橋」，欣賞佢嘅夜景。

「三十三孔橋」嘅夜景比日間還要靚。

燈光趁托出黎嘅「三十三孔橋」特別壯麗奪目。

橋面比日間更為優美。

遊覧完「三十三孔橋」嘅夜景，番酒店沖涼，嘆埋杯奶茶，上陣WhatsApp就瞓覺喇。