伊朗十天之旅 (第五日)

今日會去遊覽四十柱殿、阿里卡普宮殿、伊瑪目大廣場、參觀駱駝骨畫、伊瑪目清真寺、羅德菲拉清真寺。

4-12-2018  (第五日)
07:00起床，梳洗好到餐廳食早餐。

 食飽飽番房等出發，房間露台外嘅花園種滿橙樹。

大人最鐘意Ｄ樹上有果實，同佢影番幾幅先。

 夠鐘上車往遊覽「四十柱殿」。

 「四十柱殿」我地數來數去呢個殿都係得廿幾條柱，可解叫做「四十柱殿」呢？
導遊就向我地解釋:「你地睇吓水池中嘅倒影見到Ｄ咩吖，水池中嘅倒影啱啱好有廿條柱，夾埋本身建築物Ｄ柱，起碼超過四十條，咁仲唔係四十柱殿」！又係喎～

 咁靚嘅倒影就影番幾幅相先。

 「四十柱殿」。

 入去四十柱殿內參觀吓先。

 回教經書。

 牆上嘅壁畫。

 雕花格窗。

出殿外走走。

 唔夠皮再影過。

 呢隻咩尼架。

 跟住就去藏紅花專買店。

 攪攪震冇幫襯。

 今日嘅景點机乎唔駛用車，行來行去Ｄ景點都係喺附近，所以又經過Ｄ市集去參觀「阿里卡普宮殿」。

 「阿里卡普宮殿」，原本係17世紀國王用黎接待外國使節嘅宮殿，殿內有演奏廳同埋觀景陽臺等等。

 下層冇乜好睇，有Ｄ仲封咗添。

上去上層陽臺就要行幾層樓嘅旋轉梯級。

上層陽臺可以鳥瞰整個「伊瑪目廣場」。

 「伊瑪目廣場」真係相當廣闊。

 睇番「阿里卡普宮殿」裏面Ｄ裝飾先。

  




















呢度Ｄ裝飾就普通咗Ｄ，不過我地都係志在上黎睇吓風景啫。

 睇完風景再由呢Ｄ旋轉石階落番地面。

跟住行去參觀駱駝骨畫，又經過市集，呢檔係草藥店。

 黎到參「觀駱駝骨畫」，Ｄ骨畫都唔平喎。

 畫師好仔細咁喺塊駱駝骨片上面畫公仔。

 畫咁奈原來係畫個馬頭；又係攪攪震冇幫襯。

又到食中午餐嘅時候喇。

 領隊安排好各人坐位，今餐係自助餐。

 行到攰，坐低飲杯汽水先。

 餐廳切有露天雅座。

 食呢Ｄ。

 都係食得飽果隻。

 食飽飽就行過去參觀「伊瑪目清真寺」。

「伊瑪目清真寺」建於十七世紀初，係當地最大嘅雙層拱頂清真寺，寺内外鑲嵌著彩釉瓷磚，牆上裝飾住精美璧畫同埋Ｄ雕花格窗。

  

 入「伊瑪目清真寺」裏面打個轉就出番去。

參觀完「伊瑪目清真寺」 再行過少少參觀埋「羅德菲拉清真寺」。

 廣場有馬車供遊客租乘。

 好靚嘅紅葉處處。

 「羅德菲拉清真寺」係薩菲王朝皇室家眷專用嘅禮拜堂，壁頂裝飾都係伊朗嘅藝術傑作。

 行到攰趁導遊講解其間，坐低抖抖先。

 抖順條氣先至入「羅德菲拉清真寺」内參觀。

 薩菲王朝皇室家眷專用嘅禮拜堂。

 寺內牆壁鑲嵌著彩釉瓷磚。

好多寶石作為牆上鑲嵌嘅裝飾。

參觀完「羅德菲拉清真寺」就係自由活動時間，我地會逛吓整個「伊瑪目大廣場」同埋環繞住廣場嘅市集。

 廣場中央有個大水池。

 雀鴉喺池中玩耍。

 呢個「伊瑪目大廣場」嘅水池，我睇如果夜晚來，趁上燈光會更加靚。

 行到攰又坐低抖抖。

 呢幾位伊朗大學生好友善咁又請大人同佢地合照。

 見Ｄ紅葉咁靚，嗱嗱聲影番幾幅先。

 夠鐘番集合地點，等齊人上車去食晚餐喇。

 今餐食炸焗鱄魚餐，先黎羅宋湯。

 可能今日行得多，肚仔有Ｄ餓，我一連食咗兩塊烤餅。

 睇落條鱄魚炸得唔錯喎。

 開餐喇喂！

 飯後甜品又係似鸚鵡牌牙痛水味嘅藏紅花雪糕。

 食飽飽番酒店，沖個涼，嘆番杯靚奶茶，上陣WhatsApp就瞓覺豬喇。