伊朗十天之旅 (第八日)

呢次伊朗之旅嘅行程都接近尾聲，正所謂好物沉歸底，今日會去遊覽莫克清真寺（粉紅清真寺）、波塞波里斯遺址、羅斯塔姆皇陵崖雕、古蘭經城門。

7-12-2018  (第八日)
噚晚落足成晚雨，今朝06:00起床向窗外望，嘩！綱綱停雨，河水都漲哂，今日仲有兩個重點行程添架，希望落黎雨過天晴喇。

 食咗個早餐先。

 食過早餐上車出發往「莫克清真寺」俗稱（粉紅清真寺）。

 天公造美，陽光普照。

 黎到「莫克清真寺」（粉紅清真寺），時間啱啱好，趕到喺08:30前到達，因為導遊話今日早上08:30Ｄ陽光會開始照射到「莫克清真寺」，到時我地就可以見到寺內環境會起變化喎！

 入到「莫克清真寺」內，好彩我地早到，冇乜遊客，只有幾個龍友喺度等影好野，咁我地都唔好執輸喇，嗱嗱聲揾定個靚位睇好野。

 未有陽光照射，寺內平平無奇。

 嗯～開始有Ｄ陽光照射過黎喇。

嘩！當陽光射向「莫克清真寺」嘅彩色玻璃窗上，陽光穿過彩色玻璃，室內立時變得七彩繽紛，置身其中，好似喺萬花筒裏面咁樣，環境嘅特變，另到現場所有人都進入瘋狂狀態。

當時相机嘅「咔嚓」快門聲不絕於耳，原來「莫克清真寺」又稱（粉紅清真寺）嘅原因係咁嘅！

 參觀完精彩嘅「莫克清真寺」，上車往「波塞波里斯遺址」。

 「波塞波里斯遺址」係波斯人阿契美尼德王朝嘅王宮，由大流土一世開始建於西元前500年左右，經歷咗三代歷時70幾年先至建成，係波斯帝國時嘅首都，呢座城市係作為波斯帝國禮儀上嘅首都，接待外國使臣，接受萬國朝拜，後來毁於亞歷山大大帝手下，當中嘅特色建築包括萬國門，阿帕達納宮同埋百柱廳。

 再次比伊朗人請合照。

 陽光普照，萬里無雲，中午時份，氣温回升，我連外套都唔駛着。

 一家大細嘅伊朗人請大人同佢地合照。

 遊覽完「波塞波里斯遺址」，又到食午餐嘅時間。

 今餐係地道午餐。

 用烤餅卷住Ｄ蔬菜同埋芝士黎食，又幾好味喎。

 沙律。

 啤啤佢先。

 藏紅花飯。

 羊肉雞肉串燒。

 食後果。

 食飽飽就上車往「羅斯塔姆皇陵崖雕」遊覽。

 呢幾個皇陵都係建於崖壁上，唔算好高，但氣勢磅礴，顯得當時工程建造得幾咁浩大。

 參觀完「羅斯塔姆皇陵崖雕」經過紀念品店，又係女仕嘅時間。

 上車往今次伊朗之旅嘅最後一個景點「古蘭經城門」。

 喺城門上刻上可蘭經，冇乜睇頭。

 到此一遊。

 遊覽完「古蘭經城門」就去食晚餐喇，呢間餐廳有Ｄ睇頭喎！

 一入門口就有個大火爐，呀茂喺度整緊烤大餅。

 餐廳內嘅藝術裝飾。

各式師傅造出各樣唔同嘅烤餅。

 先黎沙律。 

 沙律用烤餅夾黎食。

呢幾隻辣椒夠哂勁，辣到咀唇麻木咗一陣，正～

 食埋咁多熱氣野，又要啤啤佢。

 大人食雞肉串燒。

 藏紅花煲仔飯，有飯焦架。

 我就揾陣Ｄ，要咗雞翼串燒。

 双劍合璧，勢不可擋。

 呢位伊朗侍應大哥又埋黎搶鏡。

 燒雞翼配藏紅花煲仔飯。

 旅程順利愉快結速，大家飲杯。

 呢餐各人都飲飽食醉。

  食飽飽就番酒店。

 番到酒店，冲個凉，嘆番杯靚奶茶，上番陣WhatsApp，聽日上機，執好Ｄ行理先，跟住就瞓覺喇。