今日先得閒Ｄ，執起Ｄ架生就落主場過引吓；落到去開好竿釣金古，釣咗一陣都係Ｄ泥鯭化餌，點知見有箕烏頭喺度示威巡遊，大約都有三二十條，我即刻換釣組，落潯半水，一落餌即時有魚咬，但係因未天黑，Ｄ魚比較精口，一食就走，抽過幾次都唔中，咁我就等佢食深Ｄ先抽，果然有較，輕輕一提就感到有魚拉落去，順勢一抽，中咗!!收到上水面，諗吓點攞條魚上黎，因為呢個位係釣開金古嘅，得條〝喇〞位，但係都要上架!!咁我就好小心咁將條烏頭由條〝喇〞果度慢慢抽上黎，好彩又上到，即落生籠；再落餌即有魚接，又中!!呢條就大Ｄ喇，都有兩三斤，今次冇咁好彩喇，離水一半即爆咀，剩係釣到條烏頭副假牙上黎，唔係喇，開番枝撈箕先，上車度攞出撈箕再捐番落去釣過，好彩基烏頭未走，呢個時候釣友Uncle又到場加入戰圈；我就一連再起多兩條，Uncle就中三斷三，大戰咗一個鐘度，基烏頭就消失得無影無蹤，開始行大流，我地又轉釣金古，跟住落黎梗係魚訊全無喇，釣到21:00都係冇魚食餌，咁我見Uncle冇魚中，就比咗一條烏頭佢，等佢番去有得交差，我就執埋Ｄ架生，去食晚飯好過囉！
喺果個位，釣到都未必上到，有幾條釣得到上黎都算好彩囉！
Ｄ海烏頭仲未夠肥大。
沒有留言:
張貼留言