努力有回報

7-8-2012  (農曆六月二十)
噚晚釣得四條金古，驚聽日唔夠食，今晚再落主場，釣多幾條隱陣Ｄ！
06:00一落到去見仲未起流，即刻嗱嗱聲開竿，第一口餌放落去即刻就有魚食喇，但係食得好精，落咗四五口餌都比佢化咗，我即刻改變釣層，由兩潯改為三潯，呢次嘅改變係有較嘅，即中一條，跟住再中多兩條，心諗冇喇掛!!大約過咗半個鐘，我又改釣番兩潯，哈~又掂喎，連起兩條；喺度掛住釣魚，原來Ｄ水漲到上黎都唔知，好彩冇Ｄ政府船經過，唔係就實聽濕腳，既然目的以達，都係上番橋面，執埋Ｄ架生去宵夜喇！

Ｄ金古越釣越有 。

今季釣金古條數最多嘅一次 。