每日兩條

3-8-2012  (農曆六月十六)
跟番近排嘅時間，喺18:30就落到主場，開竿釣金古，第一口餌一落就有魚訊，拉咗幾吓就停咗，收番上黎口餌仲未食哂，即換新餌，呢次將塊麵包撕細Ｄ先勾落去，今次食得大力Ｄ喇，一食就成枝竿頭彈起，我就順勢一抽，中咗!!好快就收佢上黎，十両金古即落生籠，落餌又中，呢條仲細，落埋生籠之後再釣就冇哂魚訊喇，上番橋面轉釣烏頭，原來師傅偉都黎咗，一齊釣到十點幾，口餌都冇魚咬過，唔通個海冇哂烏頭!!下次都要轉吓牌頭，釣番其他魚先得；跟住執埋架生去宵夜喇喂。

聽日又有飯開喇 。