成個海得一條金古

13-6-2012  (農曆閠四月廿四)
今日18:30已經落到主場釣金古，一路釣到22:00，唔好講話中魚，就連似樣Ｄ嘅魚訊都冇，通常我放兩三潯水釣嘅，見冇勿聲氣，就再勾過舊餌，試吓放四潯喇，咁樣一改，即刻就有金古食餌，佢試咗兩吓，第三野就拉竿喇，我順勢一抽，中咗！佢就搏命衝，我個磅頂就搏命響，我就佢一陣即刻攪咗幾吓，見佢開始冇力，我就好順咁收到條魚上水，剪勾即入冰箱，落餌繼續，點知釣多成粒鐘都係冇料到，都係鬆人去宵夜好過咯！

好彩中番條磅頭金古嘖。

聽日用陳皮蒸黎食。

唔通成個海都係得一條金古？