好彩肯磨就多一條

25-6-2012  (農曆五月初七)
噚日有約冇去釣魚，今日一夠鐘就約埋師傅偉去釣番轉，執好架生就飛車落主場喇。
18:30落到主場，流水剛停，開好竿坐定定等運到，一路釣到起流，師傅偉都黎埋，兩兜友都係喺度呆等！到咗21:00師傅偉喺兩潯水先中條磅頭，咁我梗係唔執輸喇，嗱嗱聲轉釣兩潯，即刻又比我中番條半斤十両嘅；釣完兩條又靜哂，22:10師傅偉要走先，我見咁好流水，缺定磨多陣，真係喺佢走咗冇奈，比我起多條磅頭嘅金古，既然目的以達，見好就收，執埋Ｄ架生同魚穫，鬆人去宵夜喇！

今季Ｄ金古大條Ｄ，中親都磅頭 ！

磨爛蓆都有價值，兩條磅頭一條六兩都唔錯喇！