釣兩條先至夠食

23-6-2012  (農曆五月初五)
今晚冇約，咁就梗係去釣魚喇，本來約埋師傅偉嘅，點知佢落到黎話Ｄ流大過頭，Ｄ金古實唔開口喎！跟住就走埋添，咁我就唯有一個人釣喇！
前晚中兩條烏頭，今次我除咗釣金古，仲開多枝竿釣烏頭，Ｄ流真係幾急吓，一口金古魚訊都冇，剩係Ｄ池仔喺度化餌，間中都釣到佢，見咁細條冇肉食，即釣即放；21:00Ｄ流一慢，即刻就有魚開口喇，輕輕食咗幾吓就拉竿喇，一抽即中，上水係六七両金古，再落餌又中，以為金古大咬，嗱嗱聲趁未停流釣多幾條都好吖，跟住第三口餌又係池仔化餌；而釣烏頭枝竿郁都未郁過，望吓個錶又十點幾喇，流都轉埋，都係執野走人囉！

今次Ｄ金古就細咗Ｄ，好彩又有兩條喎。

喺金古後面果條，就係成晚比佢攪攪震嘅池仔喇！