金古比我續條釣

14-6-2012  (農曆閏四月廿五)
今日食咗噚晚釣果條金古，大人〝超讚〞，所以一食完晚飯就即刻再去釣喇！
19:30到釣場，開好竿就坐定定等運到，今晚都有Ｄ零星嘅泥鯭魚訊，到咗21:15有一吓金古試餌嘅動作，我即刻牛咁眼啤實枝竿頭，佢試咗兩吓，第三吓就震震吓咁拉落去，机不可失，我快速往上一抽，有Ｄ重量，一手頂住，一手慢速攪咗幾吓，磅頂又發出刺耳嘅叮叮聲，條魚開始冇力，我就好輕鬆咁收佢上黎，須然條魚搏命片水，不過都難逃比我拉上水嘅命運；上黎係磅頭金古，剪勾落生籠一腳踢！
嗱嗱聲落餌繼續，都係得Ｄ零星泥鯭化餌，望吓個錶又到22:00點喇，算數喇，至多每晚續條咁釣佢，跟住執埋架生同魚穫，早Ｄ番屋企喇。

Ｄ金古比我續條釣。

又係磅頭金古。