超額完成

30-6-2012  (農曆五月十二)
打風喺屋企屈咗兩日，今晚老虎蟹都要去釣番轉架喇！約咗師傅偉，咁就喺19:30落到主場，今晚冇乜流，開好竿坐定定等運到，20:15師傅偉都黎到，我枝竿只係一味比魚仔化餌，佢一黎到落餌冇奈已經起條金古，我都唔弱，跟住都起番條，將Ｄ金古落好生籠，再落餌繼續；一路釣到22:00，我同佢枝竿特然一齊比魚拉到彎哂，之前亳無魚訊，一抽就中，唔使問咁食法梗係牛屎喇！我地一齊收兩條魚上黎，兩條都唔過斤，跟手入埋生籠，再落餌之後就又靜哂，今晚我地都算超額完成，22:45就執埋架生去宵夜喇！

用麵包又中牛屎，以後仲使唔使買虾呢！

Ｄ金古須然唔係大，好彩都有兩條。

今晚嘅收穫都唔錯，都算係有Ｄ驚喜。