22-5-2017 (第十日)回港篇
今日係回港日，我地會乘搭番渡輪，由扎金索斯島往基利尼碼頭，再乘旅遊巴住雅典机場，先飛往土耳其伊斯坦堡，轉机再飛番香港。
07:30起床，梳洗好落餐廳食早餐。
執拾好行理準備上車岀碼頭。
出發往碼頭。
出到碼頭未夠鐘上船，喺附近逛吓。
見有位釣友喺度釣緊魚，埋去同佢嗲幾句。
佢話呢度冇大魚，只係Ｄ半斤十両嘅魚仔。
夠鐘登船由扎金索斯島往基利尼碼頭。
上到船，揾個靚位坐吓。
呢架車仲喺度展覽喎。
船好快就到達基利尼碼頭。
上番旅遊巴往雅典机場，先去食個午餐。
呢間餐廳喺海灘旁邊。
喺外面用餐須然面對海灘，但都係喺番室內好Ｄ，有冷氣嘆吖嘛！
我地早到咗，見仲未開餐，出去影吓相先。
開餐喇，大家飲杯，慶祝呢次嘅旅程完滿結速。
今餐好豐富，豬脾咁大隻點食得哂呀，唔好嘥，叫待應包起一碟攞走，一陣肚餓嘅時候先至食埋佢。
食飽飽行番出海灘再影過。
跟住上車往雅典机場，中途停低服務區小休，入便利店買吓野飲，順便去埋洗手間。
休息咗一陣上車繼續往雅典机場。
黎到雅典机場。
辦理好登机手續，過埋安檢，Ｄ女人就梗係去免税店睇吓有Ｄ咩好買。
喺A9閘口準備登机。
起飛喇，我地由希臘雅典飛往土耳其伊斯坦堡，須時個半鐘，再轉机番香港。
好快就到咗土耳其伊斯坦堡机場。
一落机即刻雞咁腳去往香港果班航机嘅閘口準備登机。
航班準時起飛，喺机上食咗兩個餐，睇咗兩套戲，話咁快又回到香港。
23-5-2017 (第十一日)
番到香港咧，落机入埋境， 喺呢度攞番Ｄ寄倉行理，搭机場巴士番屋企喇！
今次大人嘅一部份戰利品。
總結：今次十一天嘅行程，旅行社安排得好好，可以用「休閒」兩個字黎形容，最可惜就係因大風浪嘅關係，去唔到沉船灣個海灘同埋觀賞果度海岸邊Ｄ「藍洞」；喺度要特別一題嘅係東瀛遊領隊Richard Chan，佢十分專業、有禮、細心、盡責，幫我地同埋Ｄ團友，解決唔少嘅問題，喺呢度要講聲多謝；好喇，比幾多分好呢，今次嘅旅程我比85分喇。
