2017年5月16日 星期二

希臘-雅典,愛琴海遊輪,沉船灣十一天(第四日)

16-5-2017  (第四日)
今日會到達土耳其嘅古薩達斯,登岸遊覽「以弗所古城」,遊輪中午啟航往帕特莫斯島,可自費參觀「聖約翰修道院」EUR歐圓65,唔參加嘅可自由登岸,漫遊市中心。
早上到達土耳其嘅古薩達斯泊岸。
 我地五點三起床,梳洗好就到餐廳食早餐喺船度竟然可以食到湯麵。
 食飽早餐出去甲板行吓,原來我地隻遊輪停泊咗喺「土耳其古薩達斯」嘅一個軍港碼頭旁邊,啱啱仲見到有艘潛艇番碼頭泊岸。


 遠處又見一艘軍艦向住呢度駛埋黎。

 附近D風景都唔錯。

 到七點我地就落船去參觀位於土耳其古薩達斯嘅「以弗所古城」。
 今日嘅天氣好好,陽光普照。
 上咗黎接我地架旅遊巴就出發往以弗所古城。
 大約半個鐘車程就到咗目的地,一落車喺入口處就見到一群喵星人喺度食早餐。
 買咗門票入場;「以弗所古城」對我地黎講就一D唔會覺得默生,因為六年前我地旅遊土耳其時都到過呢度;「以弗所古城」係古代商業同宗教重鎮,仲係中亞細亞嘅羅馬省市首都。
 枝自拍神棒又開始發揮佢嘅功效喇。

 呢度好似上次黎果時都喺呢度影過咁喎。




 週圍都有野生嘅無花果樹。
 夠陽光,古城特別清楚。
 古蹟石塊一路挖掘出土,一路將D石塊砌番原來古城嘅面貌。

 背景係當時嘅圖書館。






















喺我地左手便被物料遮蔽住嘅建築物,係將來要收費嘅古蹟博物館。
 又行到黎古代嘅厠所。





















細心諗吓,D人一齊坐喺度開大嘅情况,你都米話唔好笑。
 行番過黎圖書館呢邊,上次影得好少,今次陽光普照,幾歹都影番夠本至得。。
























成座圖書館只剩番前面一幅建築,好似「澳門大三巴牌坊」咁差唔多。






















靚女呀~

 圖書館嘅背面。
 有自拍棒可以低抄黎影,冇難度。

 呢個腳印唔記得咗佢嘅典故添!





















由呢度行去露天劇場。
 呢個古露天劇場當時可以容納二萬五千人,足以証明古代建築學嘅驚人成就。
 企喺劇場中央拍掌,回音特別清楚。




 參觀完就由另一條小路行番出去。





















呢D係咩花,開得咁靚嘅!
 燦爛到好似清邁見到果D(罌粟花)咁鮮豔奪目。
 一路行番出門口。

 D喵喵仲喺度開緊餐喎!

 到此一遊。
 上番旅遊巴去下一景點。
 去參觀皮革公司,上次亦都有參觀過。
 現場有皮服時裝表演,都有幾個團友幫襯。























上番車回程番碼頭。







 遠遠以經望見我地隻遊輪。






 落車上船。
 番房間洗過手面就去餐廳食午餐。
 今次覺得有D肚餓添。






















食飽午餐,番房瞓咗陣晏覺,四點又到下午茶時間。
 架遊輪喺我地瞓緊晏覺其間,不知不覺咁以經航行到達「帕特莫斯島」,呢個島有神聖之島嘅稱號,相傳係使徒約翰寫成「啟示錄」嘅地方,喺1999年被列為世界文化遺產;我地要乘坐小客船登岸。
 本來領隊介紹我地自費參觀山上嘅「聖約翰修道院」,費用係EUR65,不過全團係得四人參加,我就梗係跟大隊喇,唔夠參觀人數,所以就取消咗呢個自費項目,改為登岸自由活動,逛吓市中心,或者選購地道嘅土特產同紀念品。

 上岸四週圍逛吓。
 寧靜嘅環境,行得特別舒適。

 喵~




 D檸檬好大個呀!




 又喵~到處都有貓星人出沒。
 其實呢度嘅商店好少,冇野賣反而行得更加舒服。

 等齊人上小客船載我地番遊輪。
 上船番房洗過手面就上九樓食晚餐。
 食飽飽去宴會廳睇陣都唔知佢噏乜嘅表演,歌又唔好聽,同大人上甲扳面吹咗陣海風,見攰攰地就番房冲個涼,連奶茶都唔飲就瞓覺覺豬喇!




聽日我地隻遊輪喺07:00會到達「羅得島」泊岸,上午上岸參觀大教長宮,下午自由活動,逛吓舊城區,買吓地道特色手信。

沒有留言:

張貼留言