2017年5月15日 星期一

希臘-雅典,愛琴海遊輪,沉船灣十一天(第三日)

15-5-2017  (第三日)
日我地會登上愛琴海遊輪,連續四晚住宿於遊輪上,首先到「米可諾斯島遊覽,自由閒逛,感受小島風情。
上06:15起床,梳洗好就落餐廳食早餐。


 食咗早餐就上車出發。
 沿途街景。







 約經一個小時嘅車程,由雅典到比雷埃夫斯嘅拉夫里翁碼頭。


要經過嚴密嘅安檢先至可以進入遊輪碼頭。
 碼頭內都有免税店。

 準備登上我地連續住宿四晚嘅愛琴海遊輪Celestyal Cruise Olympia。

 登船歡迎儀式。
 喺度辦吓野,睇吓圖。
 我地嘅房間係喺三樓嘅海景客房。

 放低D行理就週圍巡吓,熟習吓D環境。
 泳池有兩個都喺頂層九樓。
 遠望海天一色,另人心曠神怡。
 嗯!有咩喜慶呢,莫非有新軍艦下水!
 出動兩架消防船噴水,認真唔少野!

 上到船先黎安排一個災難逃生演習,好似讀書時走火警咁。
























我地屬於14組。 

 大家齊集於七樓,我地就嘻嘻哈哈,D工作人員就好認真。                      

演習完畢,各人放番D救生衣番房。
 船以經啟航,又到午餐時間,有自助式或者有人招呼嘅套餐式,套餐喺岸上領教過,今次我地就選擇咗食自助餐!
 幾十種食物,實有啱自己口胃嘅!

 遊輪上無限任飲不含酒精飲品。
 甜品都唔錯喎。
 原來要上船先有飽飯食,食飽飽就喺船度四圍逛吓。
 風和日麗,船外面冇風景,只係見到水平線,但景色都係一樣咁靚,因為個天靚吖嘛。



 又到鄧伯伯時間,我地番房眠一眠先。
 瞓醒晏覺就上九樓飲下午茶。



 18:00船巳經到達「米司諾斯島」,呢個島有(愛琴海上的明珠)嘅美譽,又有人稱之為小威尼斯。
 登岸後須用接駁巴士往返市中心舊城區。






 落咗接駁巴士就自由閒逛,感受小島風情。




 丐幫出動毛小孩黎揾食。
 沿途有好多海鮮食店餐廳。




 喵喵星人。

 小島嘅風景都唔錯架。

 D房屋都係以白色為主,就連教堂都唔例外。
 充滿地中海風情嘅白色小屋。






 每個遊客都會黎到呢五個風車屋地標(打咭),我地都唔例外。






 沿住小路就可以行到上黎風車嘅位置。
 又有喵星人!
  由小山崗望番落出嘅風景。
 上到黎好似去咗荷蘭咁。

 唔講咁多,影番幾幅先。


 打咗咭就沿著黎嘅時候行過嘅小路番岀去。


 有充足時間慢慢逛。





 日落景色唔錯架。

 寧靜嘅海灣。


 夕陽西下,D陽光打横射埋黎。
 好快又行到出黎集合地點。
























呢位仁兄喺度玩前打。
 夠鐘上車出碼頭。

 唔駛十分鐘,接駁巴士就送返我地到碼頭上船。

 上返船番房洗過面,今次就上九樓食自助晚餐,食物水準唔錯。

 同D老友食吓傾吓到十點幾先返房,冲個靚涼,船上冇WiFi,唔駛上網,今餐食得飽,連奶茶都懶煲就覺覺豬,呢個時候架船又開始航行喇!
 聽日會到達土耳其嘅古薩達斯,登岸遊覽「以弗所古城」,遊輪中午啟航往帕特莫斯島,可自費參觀「聖約翰修道院」EUR歐圓65,唔參加嘅可自由登岸,漫遊市中心。



沒有留言:

張貼留言