希臘-雅典，愛琴海遊輪，沉船灣十一天(第六日)

18-5-2017  (第六日)
今日早上遊輪會先埋「克里特島」，可以自費參觀古希臘嘅皇宮遺址，三小時活動，收歐元EUR67，唔參加嘅可自由活動，漫遊市中心逛街；中午離開克里特島往今次旅程主打嘅目的地「聖淘維尼島」，漫遊島上山城「伊亞」，欣賞果度著名嘅藍天白屋。

六點半起床，梳洗好就上四樓食早餐，試吓整個中式杯麵食吓。

 好過成日食埋Ｄ西式早餐吖。

 船己到達「克里特島」泊岸，一個碼頭泊兩架船都得，遲利！話說呢個島係愛琴海最大嘅島嶼，亦係公元前五世紀一個重要文明嘅發源地，留低咗唔少嘅古蹟遺址。

 上五樓等排落船。

 今次都係冇人自費參觀島上嘅古希臘嘅皇宮遺址，所以領隊就帶我地去另外一處地方逛吓。

 出咗碼頭，首先坐公共巴士EUR5歐羅到公園。

 到咗公園入口領隊去買票入場，點知售票處話今日園區免費參觀，呵呵～我地有運呀！

 咁就唔客氣喇，入去逛吓先。

 今日可能係呢度唔知咩節日，所以免入場費，有好多班小學生都黎參觀。

 園內規定外來嘅導遊唔准向客人講解，開頭我地個領隊想靜靜雞用無線耳机同我地講解，點知都比園內嘅斗察禁止，咁我地為有自由週圍逛吓囉。

 園內都有Ｄ古蹟睇吓，不過因為冇人解釋，所以都唔知呢Ｄ古建築係乜東東。

 唔駛錢冇乜所謂喇，見有野就影吓囉。

 睇完古蹟，准備行番出門口，特然聽到有雀鳥好大聲咁叫，原來有幾隻孔雀喺樹上。

須然冇咩好野參觀，不過當晨運，呼吸吓新鮮空氣都好吖。

 逛完公園，坐番公共巴士番碼頭。

 上番船，房務員今次同我地將浴巾摺成白天鵝。

 喺房間內休息咗陣就準備食午餐。

 每日自助餐嘅食材都唔同。

 呢個餅唔錯。

 食飽又喺船度四圍行吓。

 由房中望出窗外，我地架遊輪以經駛近「聖淘維尼島」。

  隻遊輪泊咗喺海中間，要用小艇送我地上岸。

 喺二樓出口落咗小艇，我就簡咗去上層坐。

 都載幾多人喎，好彩坐上層，因為露天，空氣都會清新Ｄ。

 「聖淘維尼島」上嘅城市係沿住陡峭嘅山坡而建，所有Ｄ屋都漆成白色，而且風格各異，形成獨特嘅山城。

經大約十分鐘度就埋到岸。

 上咗岸再轉乘旅遊巴，往島上最著名嘅山城「伊亞」遊覽。

 沿途車路都係九曲十三灣咁上山。

 由高處望番落去仲可以見到我地隻遊輪。

 旅遊巴繼續前進

喺車上偷影呢間酒店內嘅泳池。

 開始見到Ｄ特色白屋喇！

 大約45分鐘車程，就到咗呢個「伊亞」山城喇。

 一落車人人都發哂狂咁影Ｄ景色。

 唔講咁多，欣賞吓Ｄ咁靚嘅風景先。

 獵影白屋藍天，感受地中海風情。

 遊人如鰂，要影靚景，有時仲要排隊添喎～

 揾到有利嘅位置就狂影多幾幅靚相。

 

 影咗幾寨，再行過Ｄ睇有冇新發現。

 行落幾級又揾到個有利位置。

都影得差唔多喇，逛吓商店先。

 夠鐘就上番旅遊巴往碼頭。

 到咗碼頭上駁船番上遊輪。

 番上遊輪入房洗個手面就去食晚餐，今次我選擇咗喺四樓食有待應招呼嘅套餐，有湯，有前菜，有飯後甜品；點解今次唔食自助餐呢，因為今日餐單有我最鐘意食嘅牛扒吖嘛！

 牛扒五成熟，要求唔高，不過不失喇。

 食埋甜品（雪糕）就飽飽囉；同Ｄ老友傾咗陣就番房休息喇！

聽日會離開住咗四日嘅遊輪，喺比雷埃夫斯嘅「拉夫里翁」辦理離船手續；參觀柯林斯運河；到邁錫尼遊覽古城，參觀阿格曼農宮殿陵墓。