希臘-雅典，愛琴海遊輪，沉船灣十一天(第八日)

20-5-2017  (第八日)
今日我地連同架旅遊巴一齊上船往「札金索斯島」，上沉船灣觀景台，鳥瞰整個沉船灣。

早上八時起床，梳洗好就準備去食早餐。

 10:00先至離開酒店，仲有大把時間，慢慢先去食早餐都未遲。

 喺我地房間嘅露台影吓相先。

 出酒店行過隔離就係餐廳。

 早餐我都係食個包，兩隻煎旦加杯咖啡就攪掂。

 10:00上車出發往基利尼碼頭。

 一小時車程就到咗基利尼碼頭。

未夠鐘登船，喺碼頭附近逛吓。

 漫步沙灘。

 參觀吓當地魚民生活。

 漁夫向我展示剛捕獲嘅海鮮。

 漁夫正在整理緊Ｄ魚網。

 個漁夫仲叫我同佢影番幅合照。

 喺碼頭週圍逛吓先。

 一陣我地就係乘搭呢隻船往「扎金索斯島」，連架旅遊巴都上埋船架。

 夠鐘上船喇，人車分離登船。

 上咗船又四圍參觀吓。

連狗狗都可以登船。

 玩吓希臘國旗先。

 大人話呢度好似個巨形泳池咁樣。

 船上有靚車展覽。

 行到攰揾個位坐低抖吓。

 約一小時航程就到咗「扎金索斯島」。

 上咗岸等齊人先。

 上番跟我地同船過黎架旅遊巴就往市內觀光。

 整座「扎金索斯島」，草木葱綠，谷地肥沃，擁有壯美嘅海灘，呢度仲會叫做「海龜島」，因為有一段海岸沙灘，係愛奧尼亞嘅地中海龜產卵保護區。

 呢度影Ｄ相，幅幅都可以做名信片。

 落咗車就一路行一路影，行過去餐廳食午餐。

 呢Ｄ地道餐，淺嚐就可以。

 雞腿餐。

 嚓喇喂～

 飯後果。

 食飽飽就上車往韓劇太陽的後裔嘅拍攝場地，「沉船灣觀景台」。

 到咗「沉船灣觀景台」，由高處望落沉船灣，十分之壯觀。

 用自拍神捧伸長出去就影到沙灘上嘅破爛沉船喇！

 見到咁靚嘅蔚藍海水，我不其言咁影咗多張照片。

 見冇乜人，再出去影過，今次影埋自己。

 附近都有Ｄ土特產攤檔。

 鬍鬚佬呢檔蜂蜜就最好生意。

 外圍Ｄ風景都唔錯。

 行番去集合點齊人上車番酒店。

 今次入住呢間酒店會連住兩晚。

 攞咗房間，放低行理，洗過手面就出去酒店附近果間超市逛吓。

 轉個灣就黎到呢間超市。

 好平呀，買買買。

 超市買完野就番酒店准備食晚餐。

 酒店內食自助晚餐。

 食飽就同Ｄ老友傾咗陣，跟住番房冲個凉，嘆番杯靚奶茶，上陣網就瞓覺喇。

聽日會坐小艇去沉船灣海灘登岸暢游，觀賞海邊Ｄ藍色洞穴。