希臘-雅典，愛琴海遊輪，沉船灣十一天(第九日)

21-5-2017  (第九日)
今日上午會乘坐小艇往「沉船灣海灘」登岸，仲可以喺果個沙灘度游水，之後小艇會乘載我地去觀賞「藍洞」，位於島北部嘅東岸區，所謂（藍洞）其實係海邊一Ｄ小岩洞，岩石海水經陽光折射，洞內海水會變成奇異嘅藍色，因而得名；如果因天氣影響，大風大浪，小艇因安全理由不能出海，咁沉船灣同藍洞兩個景點都會取消。

早上七時起床，梳洗好去餐廳食過早餐，等候沉船灣遊覽船公司嘅來電，今天是否適宜出海，各人都在其待中，此時領隊電話響起，船公司話今早嘅天氣不適宜出海，為安全起見，决定取消今次嘅行程；咁冇計喇，專業船公司都話停航，我地出黎玩嘅冇理由要冒險架，我地嘅領隊話每人可以退回50歐羅比我地，另外改變行程，去沉船灣紀念公園「凱里觀景台」比我地遊覽吓。
九點上車出發去沉船灣紀念公園。

 好快就到咗目的地；呢個公園有座紀念碑，大慨刻上沙灘上果艘船係咩號，點樣預到風浪被打上海灘，同預難者嘅姓名等等。

呢度仲有棵百年橄欖樹。

沿著小路向崖邊行過去「凱里觀景台」。

 黎到崖邊「凱里觀景台」，居高臨下，睇吓藍洞嘅海岸，須然冇得近距離接觸，但係就寥勝於無吖。

 真係好大風吓，連大人嘅太陽眼鏡都吹咗落崖邊(請留意棵樹嘅左手面草叢間），佢懵盛盛都未察覺，後來想戴番先知唔見咗，好彩有團友話圍欄外草叢中見有副太陽眼鏡可能係佢掉失，行番去揾，果然係佢嘅，副太陽眼鏡喺崖邊搖搖欲墜，哈哈～我就好小心咁喺鉄網底下，揾到一個缺口，伸手出去小心咁拾番副眼鏡番黎，失而復得，大人笑呵呵！

 喺佈景拍照。

 好大棵仙人掌。

 同大人拾番副太陽眼鏡，心情即刻靚哂。

 領隊話仲有時間，離開「凱里觀景台」帶我地去附近一個靚景遊覽吓。

 落咗車，週圍逛。

 乜都影一餐。

 上番車住下一個景點，「廸奥尼修斯東正教堂」。

 喺番札金索斯島嘅市中心落車。

 噚日坐車經過呢度都影過，今日喺度行過，咁靚嘅景，梗係要同大人影番幅相喇。

 行咗一陣就到咗「廸奥尼修斯東正教堂」，我地就入去參觀吓。

 裏面充滿東正教嘅特色，金碧輝煌，可以拍照，不過禁止用閃灯。

 參觀完東正教堂出去外面逛吓。

 希臘國旗，迎風飄揚。

 又到食午餐嘅時間，都係去番噚日晏晝果間餐廳。

 坐定定，飲番杯水等食。

 生意好，老板娘盡領風騷。

 沙律一大盤。

 硬過石頭嘅麵包。

 大人最鐘意嘅肉醬意粉。

 同Ｄ老友影合照。

 飯後果。

 食飽飽番酒店，洗過手面，休息一陣就出街掃貨喇。

 横掂冇得去沉船灣海灘，每人回水50歐羅，用黎駛埋佢。

 逛完街番酒店，見仲未到食晚餐時間，咁就喺酒店巡視吓；露天泳池切於頂層。

 慢慢影吓相先。

 我地間酒店喺市區內算係高嘅建築物，可以盡覽全景。

 黃昏影岀黎更加靚。

 夠鐘落二樓餐廳食晚餐，都係自助餐。

 旅程以經接近尾聲，飲杯先；食飽飽番房整理好Ｄ行理，冲個涼，嘆番杯靚奶茶，上陣網就覺覺豬喇！

聽日係回港日，我地會乘搭番渡輪，由扎金索斯島往基利尼碼頭，再乘旅遊巴住雅典机場，先飛往土耳其伊斯坦堡，轉机再飛番香港。