希臘-雅典，愛琴海遊輪，沉船灣十一天(第五日)

17-5-2017  (第五日)
今日我地隻遊輪喺07:00會到達「羅得島」泊岸，上午上岸參觀「大教長宮」，下午自由活動，逛吓舊城區，買吓地道特色手信，喺17:30啓航。
早上五點半起床，梳洗好就去餐廳食早餐，今次我食碗湯米就飽。

 遊輪以經泊咗埋「羅德島」，呢個島喺1988年被列為世界文化遺產，係愛琴海地區文明嘅起源地之一，有相當古老嘅神話傳說，而島上保留咗好多中世紀嘅建築添。

 食咗早餐就到五樓會議廳等齊人準備落船。

 落咗船就乘坐黎接我地架旅遊巴，先去參觀位於山頂嘅「衛城」。

 由山下望到山上嘅衛城古城牆。

 旅遊巴往上駛，途中都見有白屋群。

 落咗車，領隊話認住呢棵心形樹，參觀完喺番呢度集合。

 跟住就自由活動，因上山都仲有一段斜路同石階要行，所以有Ｄ行動唔係咁方便嘅遊客，租用鱸仔代步。

 我同大人梗係徒步而行喇！

途中都有Ｄ靚景同好有特色嘅房屋比我地睇吓。

 唔駛半個鐘就上到黎「衛城」最高點。

 都係得番Ｄ石柱可以影吓相。

 仲有Ｄ未裝碪好嘅石頭。

 山下面呢個海灣嘅境色都唔錯。

 充滿地中海風情嘅白屋仔。

 睇完衛城果堆爛鬼野就沿路落番去集合點。

 一路行一路影吓相。

 大人話要同Ｄ驢仔影番張相喎！

 呢個肥妹咩到隻驢子屎屎吓。

 喺集合點等齊人就上番車，由衛城番落去舊城區。

 行車途中。

 落咗車就沿住呢條路入舊城。

 參觀充滿中世紀時期古典建築風格嘅「大教長宮」。

 城樓充滿中世紀嘅古典風格。

 唔講咁多，慢慢細心欣賞。

 參觀完舊城區就上番船，番房休息一陣，洗過手面準備去食午餐。

 每日房務員都會將Ｄ大毛巾，摺成各式各樣形狀放喺床上。

 夠鐘就上四摟食自助午餐，呢幾日我鐘意咗食沙律喎！

 大人都食咗一大碟沙律。

 肉就梗係我至愛。

 三文魚海鮮湯。

 嘆埋杯泡沫架啡就飽飽囉。

 食咗午餐就落船自由活動。

 我地由碼頭行番入去舊城區。

 呢個海豚嘅銅雕塑又幾別緻喎。

 遠望舊城區。

 沙灘漫步。

 今次入舊城區唔係參觀，而係閒逛搜羅特色手信。

 今朝Ｄ商店都未開門營業，依家晏晝就成行成市。

 大人話呢間店舖好老實，老板又好人。

 喺度買咗好多野。

 老板要同我地影番張相留念喎！

 行到有Ｄ口喝添，買杯雪糕嘆吓先。

 揾撻冇咁曬嘅位置坐低慢慢嘆。

 繼續週圍逛吓，再睇有冇Ｄ平靚正嘅野買。

 乜都影一餐。

 大人話：呢Ｄ水用黎洗手，唔飲得架；你詁我儍嘅咩，作吓狀之嘛～

 好有特色嘅水龍頭。

 行咗兩個幾鐘，今日都差唔多喇，上番船先。

 買野係最開心嘅！

 番房放低Ｄ戰利品，上九樓嘆杯下午茶。

 呢個時候，隻遊輪開始離開「羅德島」。

 飲咗下午茶就喺船上四圍逛吓。

 晚餐冇乜胃口，只係食咗Ｄ沙律，食個包，飲杯雜果賓治就一餐；食飽同Ｄ老友喺餐廳度吹水，到九點幾先各自番房休息。

聽日早上遊輪會先埋「克里特島」，可以自費參觀古希臘嘅皇宮遺址，三小時活動，收歐元EUR67，唔參加嘅可自由活動，漫遊市中心逛街；中午離開克里特島往今次旅程主打嘅目的地「聖淘維尼島」，漫遊島上山城「伊亞」，欣賞果度著名嘅藍天白屋。