希臘-雅典，愛琴海遊輪，沉船灣十一天(第七日)

19-5-2017  (第七日)
今日會離開住咗四日嘅遊輪，喺比雷埃夫斯嘅「拉夫里翁」辦理離船手續；參觀柯林斯運河；到邁錫尼遊覽古城，參觀阿格曼農宮殿陵墓。

早上5:45起床，遊輪以經到咗比雷埃夫斯嘅「拉夫里翁」泊岸。

 梳洗好就上四樓食早餐，今次我都係食個中式杯麵。

 大人就食個湯米粉。

 見仲未夠鐘落船，出板睇吓日出先。

 07:00辦妥離船手續，離開住咗四晚嘅「愛琴海遊輪」，上番黎接我地架旅遊巴，由拉夫里翁往今日第一個景點「柯林斯運河」。

 往「柯林斯運河」大約須要三個小時車程。

 唔塞車，唔駛兩個鐘就到咗「柯林斯運河」，呢條運河係横穿希臘柯林斯地峽嘅一條運河，佢將伯羅奔尼撒半島同希臘大陸分割開黎，運河從1881年到1893年建成，足足用咗12年先至起好，鑿入84米深嘅岩層，而運河內嘅水深達8米，寬24米，共長係6300米。

橋上有丐幫（吉卜賽人）喺度揾食，為安全計，我地影咗幾幅相就速速閃人喇！

今日風和日麗，太陽曬到呢!!

上番旅遊巴往下一個景點「邁石尼古城」。

一個鐘車程就到咗「邁石尼古城」。

 個太陽仲係追住我地黎曬。

 講到呢個「邁石尼古城」就犀利喇，被指為消失以久的「黃金城」，我地會參觀阿格曼農宮殿陵墓，呢個人物曾經率領希臘人攻打特洛伊城，當時設下木馬屠城記嘅英雄人物。

 條友仔咁巴閉，咁就要入去睇吓喇！

 陵墓入面空空如也，乜都冇，最特別嘅地方都係得個圓拱形嘅頂部。

 出番黎週圍逛吓先。

 有枝希臘國旗，梗係要攞黎影幅相喇。

 一路行過去博物館。

 原來阿格曼農陵墓裏面Ｄ寶物，攞哂黎呢度博物館展覽。

 參觀完博物館Ｄ寶藏就出去逛吓呢個所謂「黃金之城」。

 當時所謂之黃金城，依家只係爛石頭一堆。

 出番黎集合點。

 等齊人上車去食午餐。

 好快就到咗餐廳。

 揾個位坐定定等開餐。

 炒呢碟吾知乜菜，油淋淋。

 睇佢比Ｄ咩我嘆吓先。

 原來係茄子之類嘅物體。

 味道都唔錯喎。

 叫杯石榴汁飲吓先。

食埋個豬扒意粉就飽飽喇。

 食飽離開餐廳，上車去參觀第一屆奥林匹克運動會場。

 買咗入場門票。

 呢個奥林匹克運動會場，係喺1896年第一屆近代奧林匹克運動會就喺呢度舉行，之後就每四年一次喺世界各城市舉行。

 咁奈歷史，有幾條柱喺度比你睇吓以經好滿足喇。

當時傳遞奥運聖火儀式嘅相片。

 背景地下就係聖火嘅位置。

 觀衆看台。

 90米賽跑嘅起跑線，當時係用肉眼黎判斷邊個係第一名衝綫嘅，如果多個一名同時衝綫，比賽就重頭黎過，直至分出勝負為止。

 度拱門頂仲保存得好好喎。

 有藍天趁托嘅石柱特別耀眼。

 到此一遊。

 離開第三屆奧林匹克會場就去博物館參觀。

 館內都有Ｄ野睇吓。

影呢幅相時比工作人員制止，佢話唔準客人同Ｄ展品一齊拍照，單影展品就可以。

 咁我就剩影展品囉。

 參觀完博物館就上車番酒店。

 今晚入住呢間酒店，最緊要仲係佢有WiFi。

 等攞房間。

 呢間渡假式酒店嘅房間唔錯喎，寬闊整齊，乾剩企理，正！

 房外有好多檸檬樹，我摘番幾個檸檬，今晚冲杯檸檬茶比大人嘆吓至得。

 又到食晚餐時間。

 今晚都係食自助餐。 

黎咗希臘，我同大人都鐘意咗食沙律喎。

 食物普通喇。

 食埋甜品就飽飽，同Ｄ老友傾咗一陣，番房冲個凉，煲杯奶茶再整多杯檸檬茶比大人，齊齊上網慢慢嘆，跟住就覺覺豬喇！

聽日我地連同架旅遊巴一齊上船往「札金索斯島」，上沉船灣觀景台，鳥瞰整個沉船灣。